【裝修名人堂】「對設計深感興趣 促成二人合作創業契機」—專訪：設計師Ricky&Ariel
2023年06月27日
0
35382
今次接受裝修佬訪問的兩位設計師Ricky&Ariel，過往曾在同一間公司工作。離職一年後，Ricky萌生了創業的想法，結果促成了兩人重新合作的契機，更愈做愈有默契。而且，兩位設計師都對公司自家裝修出品都有一份堅持，除了希望令客人滿意的同時，其作品都必需令自己滿意。以下就來看看這兩位拍檔的背後故事吧！
對設計深感興趣 促成二人合作創業契機
從交談中發現，Ricky原來起初是從事汽車設計和產品設計，而Ariel則是自畢業後便一直從事設計行業，Ricky指：「我哋兩個都入咗行差唔多９年，喺舊公司一齊做嘢反而無太多工作上嘅交流，隔咗差不多一年然後再搵大家，憑住可以成功做到一件事嘅心態去創業。」在經過反覆的深思熟慮後，兩位決定一同創立公司，打造專屬的創作空間。
入行近９年的兩位都有一定的設計經驗，所以客人的設計主意，他們都會主動提出意見，希望能讓客人擁有一個最稱心滿意嘅單位作品土。「設計上我哋同樣有一份執著，希望將最好嘅比客人，加上我哋分工明確同處事細心，所以客人都好信賴我哋，覺得好放心。」
創業前後，最大轉變是人與人之間的相處之道
兩位一同直言：「成為老闆後要兼顧好多情況，除咗工作上嘅表現，同時都要管理員工之間的關係，多咗好多以前打工唔需要考慮嘅地方，多咗顧及同事感受，促進到雙方溝通。」而增加與員工之間的溝通，亦令互相辦事更愉快。Ricky指：「都曾經遇過一啲戶主係較難處理，但正正我哋同師傅溝通多咗，事情通常都可以順利解決。不過我哋由工程開始至工程結束都會交代得好清楚，普遍戶主都感受到我哋比較可靠，對我哋信任較多。」
進一步拓闊發展空間 同時善用AI技術
展望將來，Ricky和Ariel都一同希望將來可以接觸更多不同類型的工程，「我哋依家都係做小型單位居多，但其實我哋其他類型嘅工程經驗都十分充足，所以希望未來可以接觸更多大型單位工程。因為小型住宅嘅單位設計上會有比較多限制，而大型單位可以有更大發揮空間之餘，我哋嘅作品亦可以變得更有知名度。」另外，他們都希望可以擴展公司規模同增加人手，例如近日較熱門的AI功能，「公司上都會主動學習，希望盡可能配合發展，宏觀咁睇，AI嘅趨勢係正面影響，所以我哋心態上都好樂觀。」
**相片由受訪者提供**
————————————————————
—————————————————————
想知道更多裝修資訊？咁就記得啲讚好我哋嘅Facebook ／YouTube頻道啦！包你睇完一定學到嘢！
裝修佬Facebook：https://www.facebook.com/hkdecoman
裝修佬Youtube：https://www.youtube.com/@deco-tv
裝修MALL：https://mall.hkdecoman.com/
