「合力創造獨特且實用的空間，就是凝聚我們3位拍檔的理念」
2023年07月04日
1
35368
—專訪：工程師Sean&Keith
今次訪問對象的負責人Sean&Keith，他們兩位以及另一位拍檔在疫情期間逆市創業，雖當中經歷了不少挑戰和困難，但憑著他們堅定的信念，成功為一個又一個的客人提供更高品質的裝修服務，創造獨特且實用的空間！
理念相近成功讓幾位拍檔聚在一起
Sean在畢業後便立志決定入行裝修界，至今做了接近二十多年；而Keith則是一直從事銷售行業，他表示：「我自己本身一直以嚟都係做銷售行業嘅，對客人亦都比較多，後來因為自己屋企要裝修嘅契機，令我決定試下跳出舒適圈，嘗試一下接觸呢一行。」
了解過後，兩位原來是好朋友；而另外一位負責人是設計師，是Sean的合作多年的夥伴，而擁有相同理念和興趣的這個緣份，令三位決定一同創業，立志實現專屬設計理念，為客戶提供更高品質的裝修服務。
疫情下調節心態 再學習如何逐步突破困難
疫情的艱苦時期，Sean指「真係一個比較深刻嘅經驗 」，他直言：「因為封關，所以好多廠嘅貨都嚟唔到，應承咗客人要交貨，但因為陸路都封曬，所以要加幾倍嘅錢靠船運落嚟」，他續指這個情況都維持了半年有多。而且，他們亦會將供應商和海關報關等文件供客人查看，希望盡量可以安撫客人因疫情而延遲取貨所引起的不安情緒，這個做法雖費時，但他們回憶道，當時的確為不少客人打了「強心針」。
然而，他們三位在這段時間保持耐心，經過團隊共同努力，最終成功渡過疫情的這個難關。而他們亦都漸漸建立到獨有的經營模式，「真係成為咗一個老闆嘅時候，每一粒螺絲原來都要計算得好好。所以除了確保工程質素好之外，其實每一個細節及選材都要拿捏得好好。」
憑著他們不斷嘗試調整戰略思維，生意亦逐漸蒸蒸日上。
盡量傾聽和理解員工需要 盼令工程質素更高
除了追求工程的質素之外，兩位負責人認為員工的想法和需要也同樣重要。「 其實除咗客人需要都重要，同事又好，或者師傅也好，其實佢哋嘅聲音都很需要重視。所以我哋會盡量理解佢哋嘅需求，成件事順暢好多之餘，都希望班員工返工可以開心啲。」
裝修品質信心保證 盼未來開拓更多類型工程
已入行二十多年的Sean，多年的經驗讓他對裝修工序十分熟悉，加上擁有高質素的裝修團隊。提到展望未來，他們一致表示：「我哋希望公司嘅項目會涵蓋不同範疇，接觸到更多客戶，以客為本，公司客戶亦可以更多元化， 業績更上一層樓。」
**相片由受訪者提供**
————————————————————
裝修師傅嘅你，睇完都想加入裝修佬平台再接多啲單？
咁就快啲加入成為我哋一份子啦！
【即按此加入平台】
—————————————————————
想知道更多裝修資訊？咁就記得啲讚好我哋嘅Facebook ／YouTube頻道啦！包你睇完一定學到嘢！
裝修佬Facebook：https://www.facebook.com/hkdecoman
裝修佬Youtube：https://www.youtube.com/@deco-tv
裝修MALL：https://mall.hkdecoman.com/
