【裝修名人堂】「疫情下創業 盼在裝修界加入創新元素」
2023年07月11日
0
31089
—專訪：師傅呀傑
「我因為比較後生曾經被人質疑過能力，所以我不斷努力同學習，去話返比人聽，年輕唔代表無實力。」看著面前身穿白色短袖、黑色斜瀏海，感覺年輕的呀傑，驟眼確實很難看出他有近10年的裝修經驗。但愈深入談話，愈發現香港需要更多像他這樣的師傅！
自幼對油漆有興趣 父親成入行契機
談及入行契機，呀傑指自幼就因為父親而對油漆工作十分有興趣，「我爸爸本身也是做油漆同判頭工作，細個嘅時候我係好享受見到佢可以將屋企由污糟變返靚。所以我一畢業之後就已經入行，親自跟我呀爸學油漆呢一門手藝。」直至現在，呀傑已入行７年有多，更成立創辦了自己的公司，惟不少年老客人看到他較年輕都會質疑其能力，他坦言：「呢件事對我嚟講都係一個好深刻嘅印象，但後來我決定證明自己，不斷咁努力學習，話返比人知，其實年輕唔代表無實力。」
疫情下創業 盼在裝修界加入創新元素
為了有更大的舞台可以發揮，呀傑從事５年後決定跳出舒適圈創業，雖不幸地遇上疫情，惟他沒有因此而挫敗，反而決定正面迎難以上。他直言：「假如當初我我渡過唔到呢個難關都好，呢個失敗經驗就係我下一個一定要成功做到嘅一件事，所以我覺得就算係疫情，失敗又好成功都好，都係一個好經驗比我學習，所以我決定點都試一次。」
被問到什麼原因令他創立公司，「主要原因係除咗比我可以有更大嘅表演機會，同時都希望可以比更加多人欣賞到我們嘅作品，同時都希望可以慢慢改變呢個行業，令呢個行業傳統得嚟都可以有更多創新元素。」這種保留傳統特色之餘，再加入創新元素想法的師傅，的確可以為這個行業作出不少嶄新改變。因此，愈深入談話，愈發現香港需要更多像呀傑這樣的工程師。
由始至終堅持同樣理念 讓客人安居樂業
「我覺得一間公司主要要有專業、質量、仲有令客人滿意，希望我們用一個最合適嘅材料、最專業嘅技術完成唔同嘅工程，令佢哋可以開心。」言談之中，呀傑自信的回答令肇者感覺到他已準備充足，即使被人用年齡問題質疑其能力，他亦能用實力應付到各種難題。
獲客人讚賞感滿足 行業前景長做長有
他又形容自己是個較積極的人，不少客人在看到單位完工後都會稱讚他們，「見到佢哋咁滿足，我都好開心。」對於，呀傑認為前景十分樂觀，他指：「其實都愈嚟愈多人都願意投資，為咗間屋可以獨特啲， 唔少人會做啲比較昂貴嘅油漆，例如藝術漆。所以我都認為將會有更大嘅發展空間。 」
**相片由受訪者提供**
————————————————————
裝修師傅嘅你，睇完都想加入裝修佬平台再接多啲單？
咁就快啲加入成為我哋一份子啦！
【即按此加入平台】
—————————————————————
想知道更多裝修資訊？咁就記得啲讚好我哋嘅Facebook ／YouTube頻道啦！包你睇完一定學到嘢！
裝修佬Facebook：https://www.facebook.com/hkdecoman
裝修佬Youtube：https://www.youtube.com/@deco-tv
裝修MALL：https://mall.hkdecoman.com/
