【生活貼士】9成人用錯方法洗易潔鑊？教你7大正確保養方法！
唔易黐底嘅易潔鑊一向都係唔少香港人喜愛嘅廚房鍋具，煮食時唔需要用大量油，健康得嚟又令清潔更方便～不過！你又知唔知有9成人一直用錯洗易潔鑊？例如係唔可以凍水散熱！今次裝修佬就教大家易潔鑊嘅7大正確保養方法！
易潔鑊優點：
—容易打理
—傳熱較平均
易潔鑊缺點：
—不適宜大火煮食
—保養不佳需更換頻密
怎樣選購安全的易潔鑊？
曾有傳易潔鑊塗層物料PTFE在高溫下會釋出致癌的有毒物質PFOA，使不少人都對選購易潔鑊感到遲疑。其實消委會易潔鑊報告2020有指出PTFE在大於350°C時會分解而釋出有毒物質，因此於250°C下的煮食溫度仍屬安全，而日常如蒸﹑炒﹑煎﹑炸溫度一般不會超過250°C。
為求安心，市民在選購易潔鑊時，可以留意產品有沒有列明「PFOA Free」，及有沒有通過一些外國食品級安全法規的測試：美國FDA、歐盟Regulation (EC) No. 1935/2004、德國LFGB等。
易潔鑊燶了怎麼辦？
易潔鑊清潔方便，以海綿或碗布清洗即可，但當面對易潔鑊黐底，出現大家常說的易潔鑊黑漬時，其實清潔也並不困難，不需要大力擦洗。只需要在燒焦後，倒入溫水然後煮沸，然後靜置到可接觸溫度，再清洗就很容易。
易潔鑊保養法
由於易潔鑊塗層破損的話，有機會增加釋出有毒物質的可能性，所以易潔鑊的保養絕對不能馬虎。以下是一些保養法則：
—易潔鑊不宜猛火煮食，長時間烹調如煲湯等亦不建議
—開爐前確認鑊內有油或水，以免大火燒乾易潔鑊
—使用木或膠製的鑊鏟煮食，以免金屬鑊鏟破壞表面塗層
—避免高溫煮食後即用涷水沖洗，以免因冷縮熱脹使塗層剝落
—清潔切勿使用粗糙百潔布及鋼絲刷擦洗，以免刮損塗層
—避免疊高易潔鑊存放，或會以避刮花塗層
—如果經常煮食，易潔鑊一般壽命為一年左右，若發現塗層剝落或有刮花，就會慢慢失去抗黐底的能力，應盡快更換新的易潔鑊。
