【修佬教室】家居用品隱藏用途大公開！ 買一次用足十幾年！
2023年10月17日
0
11703
有冇諗過屋企其實都暗藏好多好好用嘅小工具？修佬時常都會購入平價、慳位、能長期儲存，而且有需要時又十分好用嘅物料同工具。正所謂「養兵千日，用在一時」，這啲小物就像螺絲批一樣，喺你需要用到佢時，它的價值會大幅度倍增。以下隨手列出十項：
1. 鋼膠──廿蚊枝，可以儲存好多年，功能強勁，冇乜代替品！
2. 刀片夾──幾蚊個，在清潔膠紙漬時是不可或缺的好幫手！
3. 環氧樹脂──淘番黎幾十蚊，又係可以用好耐，是用來保存或填充東西的好幫手！
4. 砂紙──用途多，價錢便宜($8/張)，又不會變壞，存放家中有備無患！
5. 工作手套──搬重野、執玻璃碎，又或者扭開滑手樽蓋等等都好有用，$30一對！
6. 火槍和辣鍚──呢個需要多些技巧，但又係幾十蚊可以用多年，有時玩具壞左可以自行修補！
7. 熱縮通──配合風筒便可使用，修補電線非常有用！
8. 各類鉗子──尖咀鉗、老虎鉗，唔用時覺得佢地係同一樣野，用時就會發覺唔同鉗既功能係不可替代的！
9. 六角匙及套管組合──大部分傢俬組裝後都會丟棄，但日後維護需要用到，買一套整整齊齊十分好用！
10. 各級電批和各種批咀──參加裝修學院家居維修DIY班，你會學會佢地既眾多用法，買一把趁手的入門/中級電批，一定不會後悔，更多只會因為佢既實用性而越買越多！
你又有無試過突然發現屋企家居用品有意想不到嘅用途？歡迎你隨時投稿比我哋！
再唔係搵我哋幫你做個免費報價，睇睇點整又得！
