【修佬教室】屋企滲水要用正確方法 唔係用防水漆都搞唔掂!
2023年10月19日
1
14105
早前，香港出現久違的十號風球，很多人都有窗邊滲水問題。
以下用最簡單既文字講下窗台滲水點樣$100內搞掂。
步驟一：等好天
做任何防水都要等好天先做，牆面同牆內都冇水，咁先唔會封左D水起入面。
步驟二：油防水膠喺牆面
嗱！唔係喺室內油。如果你喺室內油，咪又係封住D水起牆內囉？災區只會越來越大，用刷或轆喺外面油。同抹窗一樣，施工時要小心，唔好成個人擒出去，記得要用工具輔助！安全為重。
步驟三：油第二層
防水膠嘅用處，係覆蓋肉眼見唔到嘅細微裂痕。油兩層就可以確保佢成膜。當然外牆如果有孔，就要先用鋼膠($30)填充左佢先。
步驟四：油埋室內
防水膠擋左戶外，冇水入，點解要處理埋埋室內呢？因為有啲情況係會滲下滲下由條邊滲入內牆。反正係透明，油掃又買左，咪跟說明書做埋佢，但唔係一定要做。
想知喺邊度買：
記得講明要透明色，唔好買錯白色呀。
一陣俾管理處發現你搞佢幅外牆，唔好話我哋教呀！
本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。
