第214伏 - 解![凹凸磚注意?]

2016年04月04日
0
119098
第214伏 - 解![凹凸磚注意?]


面包磚唔算太罕見,但選用時有什麼要注意呢? 

最基本當然係鋪法既共識,你話「我梗係會同判頭講話工字鋪啦」。
但有時講左都冇用,如果師傅唔識,一樣可能會先斬後奏幫你對齊鋪,然後話你知工字
鋪轉角位會好核突云云。而就算佢肯重做,料錢都可能要由你出。 其次啦,就真係角位
既問題。因為你想像一下呢D磚既橫切面,因為斜身,會忽厚忽薄。又想像下工字鋪之
下,有些厚有些薄的情況。處理凹角都唔係最大問題,要是凸角就更加困難了。 

處理既方式有好多,整條鋁邊拍住又有,乜都唔整又有。起度就唔比較邊種方式好,因為
版主唔係教裝修。

但戶主有兩樣野可以做,
第一,揀面包磚都唔好揀D凹凸得太緊要的(其實你清潔都煩啦!),少少弧度就好,鋪出來
亦會靚D;
第二,事先問清楚裝設公司會點處理角位,選擇懂的公司;第三,最好唔好用黎鋪D有凸角
既位置啦,真係考師傅咩。 

第三就是損耗的問題。磚越細仲要有斜邊,切割時D磚好易爆。

與其糾纏於究竟係D磚唔夠好定係師傅既工具唔夠勁,追問師傅點解唔出動雲石切割甚至鑽
石切割機,戶主係有責任預備額外的耗損磚量。呢樣都係要傾的。 或者唔止呢三樣,但篇
幅差不多,大家留言補充吧!

第214伏 - 解![凹凸磚注意?]
裝修中伏大全
224篇