【輕磚運用】如何把磚牆砌得牢固
2016年05月08日
6
382513
上圖其實是大家對砌輕磚牆認知，就是塗一層水泥漿，然後把磚梅花間竹的砌上去。
但其實如何能夠把磚砌得牢固呢?當中是有學問的，要裝修及用磚間房的業主們，
你地又知幾多呢?大家相信係睇新聞都有見過有磚牆倒塌的意外，其實屋企裝修時
造磚牆穩唔穩固，表面係無得睇，要視乎師傅手工好唔好。而業主好多時都會上去
睇，施工進度。今日就同大家睇睇，係同師傅傾裝修之前可以點樣確認建牆工序。
當拉好線，確保砌牆後會夠直。師傅就會係相鄰的牆身上鑽窿，然後把鐵枝種入牆身
，會有分用光身鐵枝或花鐵(即鋼筋)。一般會用鐵枝，作用是加固磚牆，讓造好後和
主牆有更好的密合度、更強的拉力。
種鐵是一幅穩固磚牆不可或缺的工序。
然後就到砌牆工划序，開泥水料可以加入牛奶水，增加密度和黏結度。然後鋪設磚塊
時，如果需要更穩固會再拉磚網，作用是加固每一層磚的強度。有金屬網和尼龍網，
金屬網造出來的強度最好。
這就是會用來鋪在磚與磚之間的金屬網，也會用來鋪在收口位置。
主體砌好之後，還要在粗批盪之前在牆面上覆上一層批盪網。
程序是:
1)拉線
2)種鐵
3)鋪網/砌磚
4)防水層(廁所/廚房/外牆適用)
5)批盪網
6)粗批盪
7)精批盪
8)油漆/飾面
