第227伏 - 有腳踏冇扶手的垂直樓梯…
2016年05月29日
1
181136
戶主：「好想喊！我整左個小朋友上唔到既樓梯，依加有咩方法可以補救呀？樓梯上
面係張3尺床。」
版主：「呢個設計都幾奇特，原本設計冇畫圖？」
戶主：「有畫，但我想像唔到原來咁做之後用唔到。左圖係我起網上搵既參考圖，俾
師傅跟住整。」
版主：「咁你點爬上去？」
戶主：「我係扶住圈左果個位上。」
版主：「即係小朋友有腳踏，冇扶手...」
我建議戶主釘一些俾小朋友楂到手既野落個梯級度。上去都冇問題，但落床比較難。
起天花板度遊條好似笨豬跳咁既橡筋繩落黎？小朋友一定好鍾意，家長會驚危險。
唔知大家有冇計~
提提大家「照跟」要注意的問題：
1. 唔好就咁俾張download番黎既圖，俾師傅跟住做。因為好多野都唔能夠照搬。顏色、
物料、細節都會變。
2. 就算只係簡單五分鐘手畫既都好，一定要有圖作實，寫清楚面料的顏色標準(最好有
實物或相關color code)，確認做出黎係咩樣。
3. 對住個圖，想像下使用時是否方便。如果想像力不太好，有張圖，要請人俾意見都
容易好多。
本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。
關键字：
