【洗冷氣，你信邊個專家？】
2016年06月22日
0
181057
又插一個伏先。洗冷氣，坊間盛傳會「越洗越易壞」，你覺得呢？
蘋果近日有兩段片。兩位都是十幾年師傅，對於點樣清洗和使用冷氣，提醒左好多有用的貼士。
版主俾多一個：
「開完冷氣，唔好即刻放熱風入。避免快冷快熱，對牆身地板保養較好！」
回到今次主題，講的是清洗冷氣。以下有三個說法，版友會buy哪一個~？
(1) 信B哥、用蓋水
//「蓋水在噴出時，只是一種水劑，所以滲透性非常高，但當遇上冷氣金屬片時，就會馬上形成清潔泡沫，這樣就可以『拿起』金屬片表面的污漬；好多洗冷氣師傅選用它的原因，就是它的潔力很強，但對金屬的損害性不高，就是有少量殘留在機身內，都不會令冷氣機出現腐蝕性問題。」//
(2) 信昌哥、用漂水
//「隔塵網最好每周清洗一次， 最多兩星期也必定要清洗！至於正確的洗隔塵網方法，是先去除隔塵網上的塵埃，後再以1:49的漂白水浸泡10分鐘，這樣就可以殺死積存在隔塵網上的細菌。」
「冷氣機內部金屬片亦可用1:49的漂白水，以噴水壺噴灑，噴上後待半小時至一小時，之後開着機內風扇功能，就可令漂白水味道變淡；由於漂白水的腐蝕性對機身金屬片位影響不大，重啟冷氣後就會被機身產生的水滴帶走，而且還可順道清理去水喉位的霉菌，可說是一舉數得。」//
(3) 信德哥、用酵素：
//好多傳統既師傅用緊蓋水，因為容易買到同相對便宜，不過要知道就係蓋水係屬於強酸性/強鹼性的化學產品，主要目的係"乸走"污糟野，普通客戶會覺得用蓋水清洗後，coil好似變到好反白咁，但其實蓋水會 corrode 部份鋁片或令鋁片變枯，從而影響左cooling efficiency。其實蓋水殘留左係機內問題更加嚴重。而且另一個影響室內空氣質素仲有出風口既blower位置架。而蓋水不能應用於 blower ，佢地都係用清水射架炸！
用pH7.0酵素洗冷氣始終都係新科技，唔係太多人知道到底係咩一回事。//
--版主意見--
1. 漂水頻頻洗，怎會對金屬和健康沒有害處？
2. 蓋水不侵蝕金屬？那說冷氣「洗完易壞」是謠傳嗎？
3. 用水安全，但要避免菌霉積聚，要洗得相當頻密？
4. 請專人用酵素清洗和做防菌防霉需要花貴，對健康有多大幫助？
5. 抑或唔洗有得佢，等佢壞或有健康問題先處理？
人人都有不同選擇。但最少要知道有這些選擇。
如果瀨過野/瀨緊野，不妨分享下、變一變！
本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。
關键字：
