第340伏(解!)：【羊毛出自羊身上，邊個買都冇所謂？錯！】

2016年06月25日

119098

知唔知點解，裝修工程中不時出現「樓下話你鑽穿左佢個天花、隔鄰話你整爛左佢幅牆」，但裝修公司好多時都出手搞番掂，而唔會叫戶主走去claim保險？其實裝修第三保，最重要的一個條款就是「墊底費」。墊底費就是「萬一要claim，戶主要先出幾多錢，先到保險公司賠」。如果你要先賠$20,000，先到保險公司賠。咁你仲叫做「買左保險」嗎？

所以，回到前一個post的五條問題。大家要注意以下重點：

1. 無論邊個買，你都要知道保險的terms是什麼，特別是墊底費多少。

2. 買第三保是戶主的責任，保險公司加入報價單，也只是代買。

3. 有些裝設公司的保險項目會貴些，原因之一自然是那張保單比較貴，但另一個原因是，出現什麼問題，裝設公司可能會*代*戶*主*承*受*墊*底*費。這個戶主不妨問清。

4. 如果裝設公司一向代買第三保並承受出事的墊底風險，戶主自己買第三保，出事時就要自己先墊底。

5. 即使一些公司不會代客墊底(事實上很多公司也不會)，代買第三保，有時候也代表「有咩事他們會盡量搞掂，唔駛你煩claim」，如果戶主自己買的話，「有咩事他們盡量搞掂」就可能變成收費項目了(但也不一定)。

所以，戶主買第三保，還是裝設公司買，是有分別的。

好了，另一個問題：如果獨立判頭唔買勞工保，有咩事會唔會上戶主身？簡單來說：不知道。如果有人身意外而判頭走佬，理論上，戶主是有可能會上身，戶主走埋佬，業主立案法團有可能會上身。但暫時似乎並沒有案例支持，所以這機會並不大。但，一般公司還是應該買好勞保，始終這是法例要求來的。

那麼，如果公司真係冇買開，戶主是否有必要堅持呢？

保險，冇人鍾意買的。但我會說，會買保險的公司，是較為「有出事意識、準備好在有事發生時承擔」的公司。戶主找裝修公司，除非絕對的價錢至上，否則不也希望找一間願意和能夠負責任的公司嗎？

大家知唔知「墊底費」一般最低幾錢？估下丫？我會24小時內回post答覆~

(下一個伏：拆解鋪木紋磚唔平、kick腳的問題)

↓↓↓

---

【裝修防伏先修班】(28Jun)：https://goo.gl/4oXvUe

(免費)【裝修公司配對】：https://goo.gl/kDViIf

(免費)【裝修資源中心】：https://www.facebook.com/fuklab/

【全民維修DIY】(21,28Jul)：https://goo.gl/pOCQom

【家居實拍計劃】：https://goo.gl/QJWJ7T

《裝修中伏破解手冊》：https://goo.gl/jzSjfK

本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。

關键字：