唔識設計電視牆?唔使驚,裝修佬幫到你
2016年07月19日
1
143066
電視背景牆係居室嘅裝飾重點之一，背景牆嘅作用係為咗避免客廳予人過分空曠嘅感覺，同時起到修飾作用。電視區域係視覺停留比較長時間嘅地方，亦都直接影響成個居室設計嘅整體效果，如果裝飾唔得當會令人產生煩厭，頭暈眼花等情緒。所以背景牆嘅裝修設計十分講究，今次裝修佬教大家點樣設計電視背景牆。
細面積電視背景牆應簡單裝飾，大牆面需混搭
牆面大要混搭免單調，唔理係大單位定細單位，只要設計適宜，背景牆都能夠做出大氣效果。大面積電視墻為避免單調，可以用兩三種唔同材料來進行切割同造型，或者進行立體構圖體現層次感。如果客廳電視背景牆面較細，應採用簡單裝飾，避免電視背景牆顯得擠逼混亂感。
色彩柔、紋理細膩令背景牆更美觀
電視牆嘅色彩同紋理唔適宜過分誇張，背景牆嘅顏色應該同客廳協調，造型切勿太過唐突，係裝飾過程中應以色彩柔和、紋理細膩為主。過分鮮艷嘅色彩同誇張嘅紋理只會令你嘅視覺疲勞。電視背景牆顏色可以選擇淡雅白色、淺藍色、淺綠色、黃色、紅色飾以淺淺嘅金色，太深太刺眼嘅色調容易讓人心情沉重、情緒緊張。
特別造型設計更具空間靈動性
係電視牆區域可以設置一個獨特空間，例如用置物架擺放自己喜愛裝飾品，簡單卻不失品位。活體安裝嘅最大好處就係可以改變當初佈局唔合理嘅地方，比如想將電視掛牆，就可以設計好活體電視背景牆，將明線隱藏係活體背景牆之下。
放棄固定式背景牆，令牆面裝飾靈活多變
現代電視外觀簡潔、超薄、美觀，本身就具有很好嘅裝飾效果，因此固定式嘅背景牆完全可以捨棄。例如直接將電視牆牆面留白，或者掛上與客廳風格相成油彩畫，可以產生很好嘅藝術效果。如果你係藝術牆繪等愛好者的話，仲可以利用塗繪，將客廳背景牆打造出屬於自己嘅獨特風味。
背景墻與客廳風格相統一更和諧
電視牆通常係為咗彌補客廳中電視機背景牆面嘅空曠，同時起到修飾客廳嘅作用。如果電視背景牆風格與客廳風格唔一致，好容易會覺得唐突同唔舒服嘅感覺。所以應採用相應材料進行背景牆裝飾，將客廳風格整體性展現出來。
背景牆裝飾材料要美觀，亦要環保
電視背景裝飾牆面可用的裝飾材料有好多種類，例如木質、天然石、人造文化磚及布料等。但對於背景牆而言，採用咩材料並唔重要，最主要係造型美觀及對成個空間嘅影響，應該選擇消音比較好嘅軟材料進行裝飾，可以減少室內噪音污染。一般牆壁可以採用彩噴、牆紙、牆布等。
唔同風格採用唔同材質
如果偏愛中國傳統文化，可以係背景牆上通過字畫、印章、繪畫元素來進行設計搭配，文化石同牆磚、有自然紋路嘅大理石、胡桃木、水曲柳等木材都係唔錯嘅選擇。而不鏽鋼、玻璃一般用來表現時尚前衛風格，幾何圖案、不規則線條多用來詮釋呢種風格。現代簡約風格嘅家居則偏向手繪、液體牆紙甚至藝術塗料，畫花枝藤蔓來表現雅致情調。如果客廳整體裝飾色調比較暗，可以採用不鏽鋼、玻璃、烤漆等表面比較光亮嘅材質進行裝飾。
背景牆光度要合理設計
如果習慣熄燈睇電視，裝修佬建議你係電視牆上安裝光線柔和嘅背景燈，既可以降低電視螢幕同周圍環境嘅明暗反差，又可以令螢幕畫面更加柔和悅目，仲可以保護視力，可謂一舉幾得。
(以上圖片均來自網路，如有任何版權問題，請與本站聯絡)
