裝修佬教你清潔廁所方法
2016年07月20日
2
398503
廁所係我地每日都會使用到嘅地方，由於每日都會同水親密接觸，就最有機會發霉，如果唔定期清潔，就會滋生細菌，影響人體健康。以下裝修佬教大家清潔廁所方法，希望幫到大家。
保持潔具光鮮
清潔衛具有一種既方便又環保嘅方法，就係用白醋同檸檬皮。首先將潔具表面污垢洗乾淨，再用軟布加上少少白醋抹潔具表面或用檸檬皮抹，潔具就會變得光鮮，仲會散發出陣陣清香。
瓷磚防滲防霉
廁所嘅牆多用瓷磚鋪設，為保持其清潔亮麗，可使用多功能去污膏進行清潔。至於瓷磚隙，可用牙刷加去污膏除垢後，再係隙處用毛筆刷一道防水劑即可。唔單止防滲，仲可防止霉菌生長。
水龍頭、花灑清潔
水龍頭、花灑經常會沾到各種各樣沐浴露、洗頭水，而呢啲洗滌用品會令水龍頭鍍鉻表面變得無光澤。 可用中性清潔劑噴係軟布上然後輕輕抹水龍頭，每個禮拜一次。切勿用酸性或具研磨作用嘅清潔劑、鋼絲刷清洗水龍頭。
定期清潔馬桶
先係馬桶度放入適量嘅水，擰馬桶刷清洗一次後，再倒入約5～10ml清潔劑或鹽酸液後刷洗，如污垢較重，可再倒少許清潔劑浸後刷洗，直至乾淨，再用清水沖乾淨即可。建議每2~3天一次。
清新空氣
淨化廁所空氣最簡單嘅方法係，將一杯香醋或一盒開蓋嘅清涼油放於廁所角落，異味便會自然消失。或栽培植物，亦可買一種氧吧磚，一幅類似於壁畫嘅氧吧磚能同植物一樣起到清新空氣嘅作用，且唔需要打理，又可裝飾廁所，一舉兩得。
(以上圖片均來自網路，如有任何版權問題，請與本站聯絡)
