裝修佬教你設計無窗嘅廁所

2016年07月21日

139828

現時好多單位因為戶型問題個廁所係無窗嘅，如果一個廁所無窗，最頭痛嘅無非都係空氣唔流通、光線以及異味問題。無窗已是定局，作為業主嘅你應該點樣改善以上問題？裝修佬為你逐一講解。

使用通透隔斷引入光線

如果採用光鮮色調來改善亦唔能夠做到立竿見影嘅話，可以使用一種非常徹底嘅方法，就係直接使用通透隔斷，如果可以接受，考慮做透明嘅廁所，因為多數無窗嘅廁所係主人房中，使用全透明式係唔錯嘅選擇，如此一來可以令光線直接帶入來，增加光感。如果接受唔到全透明嘅廁所，亦可以稍微改良下，將靠門果邊做成透明，雖然光線無全透明咁顯著，但係都可以改善暗沉效果。

運用高光色改善光線

無窗嘅廁所業主會覺得使用深色比較襟污漕，而將廁所裝修成暗色調的話，只會令廁所更加黑暗。裝修佬建議牆磚最好使用淺色例如：白色。再增強室內採光，比如，利用磨砂玻璃、烤漆玻璃、單面玻璃等玻璃材質製作廁所與室內其他空間嘅隔斷同推拉門。既可以節省空間，又提高了廁所嘅採光，一舉兩得。

乾濕要分區

對於無窗嘅廁所乾濕區分尤為重要，如果做咗淋浴間隔，沐浴時候就唔會將成個廁所都攪到好潮濕，由於唔能夠通風，自然乾需要較長一段時間。所以淋浴間隔來講對無窗嘅廁所非常重要。

安裝抽氣扇

無窗嘅衛生間，除咗光線唔夠之外，通風效果會比較差。所以一定要安裝抽氣扇，換氣扇進行人為通風，改善廁所潮濕、異味問題。

保持廁所乾淨、衛生

首先要保持乾淨，堅持每日清潔，清除垃圾，唔係廁所擱置洗過嘅衣物，更加唔可以將污漕衫擺係廁所。放置鮮花、綠色植物、檸檬等天然物品就係最好嘅除臭劑，將鮮檸檬切成片狀，乾燥後放入器皿中置於角落，就可以防霉除異味。或者採用天然竹炭環保健康，無二次污染，經濟又實惠。

(以上圖片均來自網路，如有任何版權問題，請與本站聯絡)

本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。

關键字：室內設計; 裝修; 裝修佬; 無窗廁所;