小心屋企有毒性嘅日常用品
2016年07月24日
1
371733
每個家庭都會使用各種生活常用品，呢啲常用品除咗方便我地日常使用、清潔，大大減少我地嘅負擔。但其實我地都深知，市面上嘅日用品大部分都係化學野，長期使用會有損健康。裝修佬同大家講解幾種日常用品係含有毒性嘅，大家需要注意啦！
空氣清新劑
空氣清新劑含有苯酚可能導致呼吸困難同頭疼，仲可能令人眼睛感到唔舒服，如果沾係皮膚上，仲可能導致皮膚紅腫同脫皮，甚至可能引發麻疹。空氣清新劑中含有芳香類物質，可以刺激人神經系統，影響兒童生長發育。通過調查發現，空氣清新劑甚至可以誘發癌症等疾病。
裝修佬建議：開窗等自然空氣流通，令家居環境變得更清新。可養盆栽植物或擺放柚皮等天然果香物。將蘇打水、白醋、水調配噴撒，亦可吸收異味。
床上用品
床上用品係身體接觸最親密嘅物品，但好多人唔知你有可能將毒素惹上身，例如化纖床單中含有甲醛，床上用品中含有偶氮染料等。 甲醛能夠刺激皮膚同呼吸道，長時間接觸可能導致鼻癌、皮膚癌等疾病。劣質床上用品有一種危險品叫偶氮，偽裝就係我地最喜愛嘅各種花色。係特殊情況下，它會分解產生20幾種致癌芳香胺，經過活化作用改變人體DNA結構，引起病變和誘發癌症。
裝修佬建議：變皺甩色床單唔一定係差嘅，往往果種床單唔含甲醛，應儘量使用純棉床單。
洗潔精與洗衣液
洗潔精大多含有碳酸納與磷酸鹽，即使沖洗十幾次，經測試碗上仍會殘留洗潔精嘅化學成分。 現時市面上各種洗衣粉、洗衣液、柔順劑均含有化學成分，會殘留係衣物上，呢種化學成分可能導致易過敏嘅皮膚受到刺激，同時可能對免疫系統有害。
裝修佬建議：市面上現有纖維洗碗布可唔需使用洗潔精便有清潔功效，長期使用不怕影響健康及節省了購買洗潔精嘅費用。洗衫方面應盡量少放洗衣粉。
廚房同浴室清潔劑
用於廚房及廁所嘅清潔劑含有丙烷、丁烷以及異丁烯，如果人體吸入少量呢啲物質，可能感覺頭痛或頭暈。 廁所清潔劑中仲可能含有甲基醚有毒物質，會刺激皮膚、眼睛以及呼吸道，如果吸入大量，可能導致肝肺受損。
裝修佬建議：係濕布上撒蘇打水，可清潔廚房灶台或廁所洗手盆。或將白醋倒入碗，隔夜後用於清潔廁所馬桶。或將可樂倒入馬桶，再用刷清洗，亦可達到清潔效果。
玻璃水
好多玻璃水嘅獨特氣味就係氨水嘅味，會導致皮膚受到刺激甚至燒傷，同時會令眼睛同肺部受到刺激。過度接觸氨水可能導致肝肺受損。氨水如果同漂白粉混合同時使用還會產生有害嘅氯氣。
裝修佬建議：用醋同暖水嘅混合來清潔玻璃，然後用紙抹乾。
化妝品
研究結果顯示，大多數化妝品都係多種化學物質嘅合成物，長期使用可能危害健康，有損容顏。一啲化妝品可能含有一系列有毒嘅化合物，人工面膜就係其中之一。研究發現，化妝品含有嘅香料及二甲苯容易導致孕婦流產，好多面霜亦含有與女性荷爾蒙作用類似嘅化合物。 香水平均含有250種化學成分，其中含有苯甲醛會刺激眼、口、喉等器官，同時對腎臟造成傷害。
裝修佬建議：選擇唔含人工香料嘅化妝品或使用純天然產品。或者唔用、少用化妝品。
染髮劑
各種染髮劑皆含有幾十種化學成分，對百餘種染髮劑進行檢測，將近9成染髮劑含硝基苯、苯胺等有毒化學物質，容易被皮膚吸收，對人體產生危害。染髮容易引起皮膚過敏、頭髮脫落、導致髮質改變、吸收有毒物質，危害肝臟同腎臟。 研究表明，女性使用染髮劑，患淋巴瘤機會增加70%。曾對1.3萬名染髮婦女進行調查，發現佢地患白血病幾率係未染髮婦女嘅3.8倍。
裝修佬建議：儘量唔染髮，特別係高血壓、心臟病、哮喘病患者、準備生育夫妻、孕婦及哺乳期婦女。或者選用植物型染髮劑。
(以上圖片均來自網路，如有任何版權問題，請與本站聯絡)
