噴漆衣櫃注意事項及保養方法
2016年07月30日
18
396224
現時唔少家庭會選用噴漆衣櫃，因為噴漆衣櫃可以防止一定程度嘅刮花、預防蛀蟲、現代感強。所以頗受普羅大眾歡迎。但係時間耐咗，難免會出現櫃面老化問題。以下裝修佬教大家關於使用噴漆衣櫃嘅注意事項及保養方法。
1、噴漆衣櫃保養直接關係到使用壽命，衣櫃漆膜猶如人體皮膚一樣，表面分佈著毛細管，如果唔進行定期保養維護，漆膜會好快老化、失光、脆裂。
2、嚴禁使用堅硬異物劃漆膜表面，嚴禁煙頭、熱水等高溫物品接觸漆膜表面。
3、帶腐蝕性嘅化學物品，如酸、鹼等，嚴禁接觸表面。
4、噴漆衣櫃嚴禁曝曬/曝淋，否則漆膜會加快老化，結構變形。
5、噴漆衣櫃安放好之後，切忌隨意搬動、搖動，以免連接部位變形、脫落。
6、噴漆衣櫃擺放物品唔可以超過設計壓力，長期承受重壓，衣櫃結構會變形，漆膜會脫落。
7、噴漆衣櫃每日要用濕毛巾抹一次，令漆膜保持足夠水分，避免嚴重脫水，令漆膜老化。
8、噴漆衣櫃要根據空氣濕度變化，抹噴漆傢俱專用油，春、夏每個禮拜抹一次，秋、冬每個禮拜至少抹兩次。
保養噴漆衣櫃方法
牙膏
衣櫃表面嘅白色噴漆，時間一長會發黃，唔單止望落舊，而且感覺會好唔清爽。可以用抹布沾點牙膏輕輕敷係上面，利用牙膏漂白作用，衣櫃噴漆顏色就可由黃轉白。但切忌用力摩擦，因為牙膏嘅摩擦劑會將噴漆磨走，會損傷傢俱表面。
雞蛋清
隨著時間的過去，沙發及衣櫃上會出現特別頑固嘅污垢，特別係淺色皮質嘅沙發污漬尤其明顯，令人心煩。出現以上情況可以取適量蛋清，用棉布沾上後反復係有污漬嘅地方抹，用蛋清唔單止可以清除掉污漬，仲可以起到拋光作用。
檸檬
如果上了清漆嘅木器，唔小心被熱力燙過留低燙痕，可以先用檸檬切片，或者用沾上檸檬汁嘅抹布擦拭，然後再用浸過熱水嘅軟布抹，最後再用乾嘅軟布快速將其抹乾，即可恢復原先光澤。
茶水
如果衣櫃表面沾有灰塵，可以用棉布沾稍微有啲濕嘅茶葉渣係衣櫃表面輕抹，或直接沾凍嘅茶水，再用乾淨水將茶水清除乾淨便可。
(以上圖片均來自網路，如有任何版權問題，請與本站聯絡)
