2020揀爐須知：電陶爐、電磁爐、煤氣爐大不同

2019年03月19日

日日都出街食飯？好唔健康！所以好多人會堅持自己煮，但要煮一手好菜，都要有個好嘅煮食爐。香港人普遍用煤氣爐，因為鑊氣夠。但係近年推出嘅電陶爐越來越普及；其實，三款類煮食爐有乜分別？等裝修佬話你知啦！

煤氣爐

煤氣爐特點係明火煮食，滿足到「鑊氣」要求，可以做到即時加熱，又容易用，所以係多數香港人嘅選擇。

煤氣爐長處

即時加熱，火力大，「鑊氣」勁；無預設溫度級數，火力控制彈性，使用後可迅速冷却。

煤氣爐短處

爐頭難清潔，而且產生油煙較多，能源效益低，有機會漏煤氣。

電磁爐

香港有愈來愈多人用電磁爐，畢竟係新科技，節能效益高達90%，仲要比明火煮食快三分一烹調時間。唔同品牌有不同功能，火力亦有差異。

電磁爐長處

無火煮食，減低火警意外；爐具易於清潔，有效節能。安裝簡單，插電即用。可設定自動熄火，安全性高

電磁爐短處

要自行調節溫度級別，火力靈活度低，只能用特定鍋具（鐵器）。加熱面積細，煮食效率低。要根據實際煮食喜好，選購適合自己嘅煮食爐。

電陶爐

電陶爐係用鎳鉻金屬發熱體，再用紅外熱量加熱嘅爐。有人話紅外線有助血液循環，不能成為賣點嘅廣告野，聽完就算。

電陶爐好處

唔駛配合特定鍋具，只要係陶瓷、玻璃、鋁壺、砂鍋等耐高溫嘅平底鍋都可以用。無輻射（你知香港人鬼咁驚幅射），火力大（煤氣爐差不多）。無幅射，最高可達700度左右。煮食時，爆炒，燒烤，慢炖，火鍋，煎炸都可以，可以話係現代科技版煤氣爐。

電陶爐短處

熱效率比唔上電磁爐，加熱速度慢，煲滾水都要等好耐，係追求環保同健康所要付出嘅代價。

煮食爐比較

煤氣爐

電磁爐

電陶爐

好處

- 火力大，夠「鑊氣」

- 無預設溫度級數，火力控制彈性，使用後可迅速冷却

- 無火煮食，減低火警意外

- 爐具易於清潔

- 有效節能

- 安裝簡單，插電即用

- 可設定自動熄火，安全性高

- 唔駛配合特定鍋具，只要係陶瓷、玻璃、鋁壺、砂鍋等耐高溫嘅平底鍋都可以用

- 無輻射

- 火力大（煤氣爐差不多），最高可達700度左右。

- 煮食時，爆炒，燒烤，慢炖，火鍋，煎炸都可以

短處

- 爐頭難清潔

- 產生油煙較多

- 能源效益低

- 有機會漏煤氣

- 要自行調節溫度級別，火力靈活度低

- 只能用特定鍋具（鐵器）。

- 加熱面積細，煮食效率低。

- 熱效率比唔上電磁爐，加熱速度慢