智能家居系統漸趨成熟，
智能家居產品越出越多，所以今次寫篇智能家居DIY入門教學。其實Goole Home、Amazon Echo等人工智能助手嘅興起，造就洗衣機、梳化都要智能化。電影常見用聲音控制家居嘅橋段，其實已經在我地身邊發生。想玩
智能家居嘅新人，又應該從何入手呢？
穩定wifi上網
好像廢話，畢竟家裡有wifi很普遍，但網絡連線速度呢，就未必每個角落都可以有穩定訊號。穩定快速嘅wifi覆蓋，係智能家居基本條件。如果無，其實已經可以放棄，點解？事關智能家居產品會分佈在家居每個角落，如果wifi訊號唔好，就會有延時、裝置離線嘅問題，同你玩online game出現lag機或斷線情況相同。
想確保有穩定嘅wifi覆蓋？可以整一個Mesh WIFI Network（網狀無線網路系統)，市面上有售賣現成嘅Mesh WIFI系統，例如NetGear Orbi、Google WIFI等等。
智能家居平台
確保wifi穩定，就可以計劃投資在哪一個智能家居平台。
智能家居平台同樣有多種選擇，功能就似所有智能產品嘅中央控制中心，英文名直譯做家居管家（Home Assistant）。時下大路選擇不外乎科技界三巨頭：Apple、Google、Amazon。
有啲產品支換三個平台，亦有只會支援Apple嘅產品。所以選擇用哪一個平台，可以取決於你將來會買嘅產品，或倒轉，以平台決定你可以用嘅產品。
備忘錄：Google、Apple、Amazon三間公司都有自己嘅智能家居平台，但唔係每一款產品都可以支援這三個平台，購買前要做好功課。
揀好平台，就要買智能家居產品？
有穩定網絡，揀好管理平台後，應該買乜智能家居產品？還是…成間屋嘅電器都要換？其實唔一定要買智能家電，因為你可以將現有設備“智能化”，以下有三類產品幫倒你：智能開關、智能插座、智能紅外線搖控中心。
智能開關
開關掣唔一定係燈掣，只係最常見。將屋企所有燈嘅開關掣改為智能開關，就可以用手機或者語音，透過WIFI網絡控制燈嘅開關。
座地風扇、抽濕機等無入牆開關掣嘅家電，都可以智能化？市面上有一種具網絡連接功能嘅插座，例如
Meross智能WiFi拖板，安裝簡單，只需插在現有插座上，接上電器就可以用手機控制開關。
智能紅外線搖控中心
電視、影音設備都可以？你當然可以直接買智能電視，但如果想省錢，可以考慮智能紅外線搖控，例如
UKG智能IR紅外線接收器。基本上，任何用紅外線操控嘅電器，都可以用手機發出指令，透過智能紅外線搖控操作。
