電視機一定係家居最重要嘅設備之一，幾十吋大電視在家實在係最高級享受。
消委會早前更出了電視機消委會檢測報告，但電視機種類多多，點知道有咩分別，揀咩牌子，咩價格為合適？電視機 32吋夠唔夠？
等裝修佬講幾個有關電視機比較既知識，同教你選擇啦！
1.電視機的種類
LCD電視機
LCD電視機採用冷陰極螢光燈(CCFL)作為背光光源，再利用導光板組件等將光傳導到面板。不過顯示全白或全黑畫面時，屏幕中心同邊緣亮度會有差異。背光源壽命較短，用4-5年就會變暗或變黃。
LED電視機
LED電視機係發光二極管作為背光源，亮度、對比度好，畫面色彩飽和度高。LED燈管體積較CCFL燈管細，所以螢幕更薄。加上LED背光螢幕不含汞，比LCD電視能節省36%至50%耗電量。
OLED電視機
OLED電視機有自發光技術，不需要背光源。無電流通過時，螢幕唔會產生光，所以能呈現純黑色。OLED螢幕可視角度更廣，在不同角度都可以享受完美畫面。
QLED電視機
QLED電視機英文Quantum Dots Light Emitting Diode Display Television，電視機原理係透過藍色背光源＞照射紅色、綠色量子點＞得到高純度白光；電視亮度可提高近40%，顯示色域較廣，能還原最真實嘅影像色彩。
4K電視機是甚麼？
4K電視機都可以叫做UHD (Ultra High Definition)電視，具有3840x2160解像度，總像素數係一般1080P Full HD (FHD)電視嘅4倍。解像度指螢幕畫素數量，數值越高=畫面越精細，能呈現更敏銳、真實影像。
假設FHD電視同4K電視擁有相同電視機尺寸：
FHD有207萬像素，4K就有829萬像素。4K電視畫面由較多像素組成，畫質更細膩，甚至用肉眼睇得出差異。
HDR是甚麼？
每部電視機都有標準動態範圍格式(Standard Dynamic Range, SDR)，但經歷耗損，SDR電視呈現嘅畫面就會有落差。HDR (High Dynamic Range)係一種提高畫面動態範圍嘅技術，提升影像中最亮白色、最暗黑色間嘅亮度差+色彩範圍。
因此，可呈現出色域更廣、畫面對比度更高，細節層次分明，色彩更鮮明，畫面輸出更貼近原來拍攝嘅真實影像。
● SDR標準：紅綠藍三原色被劃分成256級亮度，能顯示1667萬種顏色。
● HDR標準：三原色嘅亮度都被分成1024級，一共能呈現約10.7億種顏色。
● HDR在顏色數量、色域都比SDR更多更廣，能再現豐富色彩。
電視機4K與HDR的關係
4K、HDR係不一樣嘅技術。4K係用來提高像素數量，令螢幕擁有超高解像度嘅技術。HDR係一種增強畫面動態範圍嘅技術，令像素同色彩變得更豐富，與解像度無關。所以，具備4K同HDR技術嘅電視，會有更佳嘅顯示效果。如果擁有兩項技術，就係上佳電視機推薦。
2. 電視機的附加功能？
智能電視機Smart TV
32吋智能電視足夠嗎？智能電視可利用內置嘅網絡功能來欣賞其他影片及音樂，而且可透過智能手機等裝置把影片投放到電視上，享受高清畫質。智能家居不一定要買智能XX，建議先了解智能家居。
電視螢幕護眼功能
電視螢幕會產生藍光，長時間觀看螢幕會容易形成黃斑部病變。所以出現有護眼功能，其中以「低藍光」、「不閃屏」兩項功能最好，另外要留意和電視機距離，也可避免眼睛疲勞/提早老化。
智慧藍光
智慧藍光可以過濾容易傷眼嘅短波藍光(420~454 nm)，將色彩調節至對眼睛負擔較輕嘅長波藍光(460~480 nm)。
3. 如何選購節能電視？
2019年12月1日開始，本港出售嘅電視機都要貼上能源標籤。現時市面上嘅電視機都有能源標籤，消費者可以選擇最具能源效益嘅電視。根據機電工程署資料顯示，「三級能源標籤」比「一級能源標籤」平均耗電量多77%；「五級能源標籤」比「一級能源標籤」多用177%電能。
4. 如何清潔螢幕？
● 用柔軟微纖維布或專用抹布，以畫小圈嘅方式擦拭表面。
● 對於較頑固污垢，可用螢幕專用清潔劑。
● 切勿用濕布，因為會損壞螢幕。
也不要使用以下工具，否則會刮傷螢幕表面：
1. 市面上的汽油和去污劑、稀釋的化學劑
2. 含有表面活性劑的清潔劑，如肥皂等
3. 一般濕紙巾或用於清潔的濕紙巾
4. 衛生紙等會刮傷螢幕表面
5. 電視機如何保養？
電視機保養得宜可以延長壽命。
1. 盡量唔好將電視機放在多塵位置、陽光照射位置、潮濕空間。以上三類位置會令電視零件受影響，甚至出現電視機有聲冇畫面狀況
2. 確保電視機周圍有足夠散熱空間，過熱只會引起危險，尤其是電視機掛牆
3. 唔好長期開著電視機，有機會燒壞零件。不用時，必須關閉電視。
6.消委會電視機報告
消委會於2016年進行電視機測試，測試了市面上不同電視機牌子，共11款售價介乎4,000至近15,000港元嘅48至50吋大屏幕電視機。測試項目包括整體畫質及音質等，以下是電視機試驗樣本資料：
資料來源：消費者委員會
要留意，棄置電視機的話，要做好電視機回收啊！揀電視機學問多多，不要只留意「電視機推薦、電視機2021、電視機優惠、電視機開倉2020、電視機推薦2020、電視機推薦2019、電視機優惠2021、電視機開倉2021、電視機wiki」啦！
想了解有關電視機設備選擇的資訊，請瀏覽裝修佬專欄：
