中伏機會：100% 中伏代價：可以很嚴重
大家都係人，會犯錯。裝修期間，冇話「你錯你負責」。一來你唔想得罪師父，
二來「慣例」是有的情況的確係由客負責(例如師父度尺買磚唔係好準，買多左/少
左一般都係客負責)，三來很多時真係冇話邊個錯哂。
我聽過很多與師父的爭執，略舉如下：
1) 師父叫你將所有買左既野放在單位度，跟住唔知佢定係邊個工人丟錯你D野... 輕則
幾十，重則幾百，我都試過。
2) 講好左一樣野，跟住一路做一路變。唔一定呃你，我諗大家都唔係未遇過D咁既同事/
老闆架啦？
3) 叫你買呢樣那樣，之後原來唔駛。比如你用$150買左個兩個靚靚電制蓋，點知一個買錯
左(assume冷氣15A原來是13A)、一個買多左(裝電話的幫你裝佢公司的蓋唔會用你那個─你
到時再要求叫師父CALL番電工師父黎做番半日，佢一定「從西面來」啦~)
4) 大熱天，佢開你個冷氣用，你話「日日開冷氣我電費好融喎，同埋我個冷氣隔塵網唔駛
要啦」，佢話「咁熱又冇風，你想熱死人咩！最多幫你洗番個隔塵網咪得囉！」
5) 你話做BAR台，佢連工包料報左價俾你。你問佢用咩料。佢問你鍾意咩色。你話見到隻
Corian好靚。佢叫你抄低顏色型號俾佢配就好。你再問「Corian可以嗎？」「可以，可以既
最好拎埋樣板」。某一天，你驚覺「你以為佢配Corian俾你，其實佢只係配Corian那隻色俾
你，牌子不明」。
... 對以上問題，大家覺得如何？
也歡迎大家分享：
a. 裝修爭執位
b. 如有，避免問題的方法
c. 如有，問題出現後的處理技巧
20 likes 後分享我的提議！
