近排天氣認真潮濕，真係幾難頂o架！潮濕氣候，空氣中濕度高，除咗影響衣物、地面唔識乾之外，仲影響住屋企嘅傢俱，令傢俱發霉變形，從而減少傢俱嘅使用壽命。以下
裝修佬綜合各種傢俱嘅防潮除濕方法，一齊去文！
布藝傢俱
布藝傢俱受潮情況唔易從表面判斷，水蒸氣極有可能已通過布料嘅空隙進入傢俱內部空間，而咁就可能成為哮喘病嘅致病源。可用暖風機、冷氣對住布藝傢俱吹，或採用風筒吹外部烘乾嘅方法防潮除濕。
裝修佬提示：建議選購面料比較厚實、表面經過咗防塵等特殊處理，填充物為高彈泡沫海綿嘅布藝傢俱。
皮質傢俱
皮質傢俱潮濕易導致皮革快速老化，甚至變形等。平時應勤用抹布抹，一旦受潮，可用軟乾布抹去表面濕氣，再擦皮革保養油，而真皮沙發可放適量乾燥劑保持乾燥。
裝修佬提示：建議選購經過防水處理嘅皮質傢俱，除磨砂皮外均可用專業清潔劑同保養劑防潮。
木質傢俱
木質傢俱易受潮氣侵襲，係新買時，最好打一次液體上光蠟或者髹漆，亦可用專用清潔劑抹，或係表面貼一D吸水性好嘅紙張、塑膠紙，阻擋水汽滲透。擺放傢俱時，用薄墊將傢俱同地面接觸部位隔開，同時傢俱靠牆部位同牆面保持少許空隙。
裝修佬提示：建議挑選含油脂量較高、防潮性較佳嘅木質，例如柚木、椴木、南美花梨等製成嘅傢俱，或已經過防潮處理烤漆、防潮保護等嘅木質傢俱。
金屬傢俱
金屬傢俱材料雖多為不鏽鋼或已經過防鏽處理，但傢俱應放係乾燥、通風地方，以防受潮，平時可用濕布同中性清潔劑定期清潔，一旦受潮，可用牙刷沾防鏽劑刷除，再用乾布抹。鐵藝傢俱如果出現鏽斑，應及時補漆，而鉻傢俱鍍鉻膜如出現黃褐色網斑，可用中性機油常抹。
裝修佬提示：建議選購經過防鏽處理嘅合金、鍍鋅處理嘅鍛鐵傢俱或不鏽鋼金屬傢俱，此類傢俱較唔易受潮生鏽。
藤藝傢俱
藤藝傢俱多孔，其自身可以吸納一定量嘅水分，但如果吸附咗過量嘅水分，就會易變得柔軟、結構鬆散。藤藝傢俱嘅優點係自身具有恢復原先形狀同尺寸嘅功能，所以受潮時，應減輕佢嘅負荷，保持原來嘅編織形狀。
裝修佬提示：選購藤制傢俱時，應選用框架穩固同經過防霉消毒處理過嘅優質藤材編制而成嘅傢俱。
