脊椎健康靠枕頭訓得安樂唔洗愁

2019年11月09日

一:消委會實測

都市人生活壓力大，訓得唔好仲要返工真係好辛苦。所以想精神奕奕咁返工既話，揀岩合適既枕頭真係十分重要！一款好既枕頭除左要軟硬適中之外，更需要有足夠既承托力，訓醒先唔會頸梗膊痛。消委會最近測試左十五款枕頭，比較不同樣本係側臥同仰臥時既承托表現，發現樣本既承托力十分參差。

消委會測試枕頭列表如下：

1:Bursa Comfort Micri lux Pillow

2:Ikea HYLLE firmer(002.827.21)

3: Kato comfortable hotel Pilow

4:Muji Polyesyer Pilow

5:A-fontane Comfort & Support

6:Airland Super Pearl Comfort Pillow

7: Simmons Beautyrest Viscospring Wonderpillow Firm

8:Sea Hourse MEM-F-100

9:Emmas Cheer Heritage series Support Pillow

10:Sinomax Octaspring Contour Pillow X100 11-0548-00

11: Casa Calvin i-Flexi Pillow(with protector)

12: Tempur Original Pillow Queen M

13: Cherry Royal Latex Pillow

14: Dunlopillo SUper Comfort Standard

15: Suzuranbed Tree Pillow Natural Standard/ Natural Latex Pillow

1-6號產品為聚酯纖維枕，呢類枕頭款式及選擇比較多，價錢大眾化，而且一般可以水洗及置於陽光下晾曬，有助減少塵蟎數量及保持衛生。但枕頭會隨使用時間而變扁平，清洗後部分亦可能結塊，影響承托力。

7-12號產品為記憶棉枕頭，價錢參差，大部分呈固定形狀。呢款枕頭毋需特別整理，只需要偶爾清理表面。枕頭既硬度會隨著使用時間或溫度而改變，初初使用時或會發出氣味，可置放係陰涼既地方透氣，等氣味揮發後先開始使用。

13-15號產品為乳膠枕，乳膠枕頭一般散熱、透濕以及彈性較好，亦比較耐用。但價錢比纖維枕頭高。但乳膠枕頭不宜晾曬，只適合放在陰涼處風乾，要留意部分人士可能會對乳膠敏感。

仰臥側臥選擇不同

人體既脊椎有自然弧度，而枕頭就以可以協助人體入睡時維持自然弧度為佳。購買枕頭既時候，消費者應考慮自己常用既睡姿而進行選擇。仰臥用既枕頭比較扁平，令下巴可以與水平線保持平行。而側臥用既枕頭就需要比較高，可以將頸椎、胸椎及整體脊椎連成一條直線。

係仰臥測試入面，2號IKEA以及12號既Tempur表現比較滿意，可以保持頸椎既自然弧度，下巴與水平線既角度相差亦比較細。但6號Airland及5號A-fontane量得頭部前傾角度較大，並唔建議仰臥消費者使用。

而係側臥測試上，雖然以可助入睡既時候整體脊椎連成一線為佳，但呢條直線除左受枕頭既承托高度影響以外，亦同使用者肩膊寬度有關，肩膊越闊，斜度越大。因此男士既脊椎直線應該比女士既直線斜度更大。消委會實測過後，發現3號Kato、4號Muji、8號Sea Horse及10號Sinomax比較適合女測試者，承托高度較為理想。而男測試者就比較適合11號Casa以及14號Dunlopillo既枕頭。

由於枕頭軟硬度以及設計都唔一樣，揀枕頭既時候一定要親身試下，然後叫伴侶從旁觀察頭部以及下巴既位置係咪適合。畢竟要揀岩個好既枕頭，先可以有健康既身體架嘛！

二.產品推薦

小編訪問咗Hush Home品牌，詢問佢地對於枕頭對於入睡健康既意見。發現Hush home認為好既枕頭對於仰臥側臥都需要有不同配置。佢地既枕頭會有不同高度供消費者選擇，消費者可以根據自己睡姿而選擇適合自己既枕頭。更特別既係Hush home出品既神奇軟硬枕，枕頭一邊軟一邊硬可以比消費者選擇，而且係以纖維套包住記憶棉層，解決左記憶棉難以清洗既狀況。如果想知道更多資料，可以上裝修MALL了解更多～

想睇到更多有關消費選擇既文章，記得留意裝修佬專欄入面既文章阿～

脊椎健康靠枕頭 訓得安樂唔洗愁

脊椎健康靠枕頭訓得安樂唔洗愁