Stone在拍照時擺出一個帥氣的站姿，訪問中輕鬆的談吐流露出心底裡的自信滿滿。入行十多年的Stone笑言自己有一個壞壞的童年，一天毅然要轉變，這一個決定，改變了他之後的路。
「細路嗰時唔係讀到書嘅人嚟，突然有日覺得自己唔可以再咁樣，唔可以混混噩噩落去，跟住就跟咗親戚做學徒。其實我第一日入行嘅目標已經係要開舖頭，要有自己嘅公司，自己嘅成就，一路咁多年都係咁諗，都係向呢個目標去行。」
當年的壞壞少年在師傅的手下，引導出他內在刻苦勤力的好個性。「冇休息㗎，日做夜做，因為我師傅就係呢種人嚟。由朝做到晚，八點收工係基本，所以我就慣咗呢種工作模式，我之後就算出師都係咁，冇覺得辛苦，佢肯教，我一定肯學。」
「勤力？好似我師傅咁，我覺得裝修係多勞多得，呢個係基本。」
勤勞學習不斷 裝修注重細節
Stone在辛勞中學習，照顧常人看不見的細節。「鬥木出身，特別關注傢俬，好多嘢要小心。例如牆身通常都係有曲，度完尺，傢俬有時預鬆10mm都唔得，裝落就會發現要收口嘅位大得濟。我就喜歡計數，拎到啲數好準，所以我哋啲傢俬出到嚟一般就少收口嘅，呢範出身就要注重啲。」
「仲有鋁窗，打風時候我成日收到好多外面客嘅急call，話鋁窗漏水請我去維修，所以我覺得鋁窗防水工程非常重要，等有日打風先急call，點解唔一早裝修嘅時候就做好佢？我最少都髹四次防水，做多幾層會好啲，唔洗客人之後又要搭棚翻手做。」
裝修最緊要有代入感 多方案減免客人煩憂
勤奮好學的Stone到出師，再到自己做判頭，現今創立自己公司數年，抽身一點宏觀地看，他又有一番新體會。
「做師傅做判頭嘅時候就埋頭做好件嘢，而家就覺得跟地盤要好似跟自己間屋咁樣，要有代入感。」
「即係幫啲客解決難題，唔只係裝修地盤上，例如隔離單位，管理處難題等等。客人好buy呢樣，唔洗佢哋煩太多。工程上有問題，常見嘅做法係師傅會叫你諗，要或者唔要，但我哋會諗多幾個方案比佢揀，就唔需要個客自己苦惱要諗點去處理件事。」
「唔係只比一個方案佢揀，係一早諗定兩三個方案。例如傢俬，可能個客要求點做，我哋度完尺同傢俬廠傾完發現唔係好可行嘅話，我方法就係諗定幾個解決方案，比個客去揀。」
「咁做第一會效率高啲，第二個客都唔洗太過煩。唔好將個波踢返比個客，佢哋未必識點處理。最重要上心啲，一早諗定方案，客人咪裝修得舒服啲。」
Stone以客為本不只單純勤力地為客人裝修一個完美的家，更考慮到客人面對裝修煩惱的心情，盡力營造一種順利輕鬆的環境給客人，使他們能在裝修過程中舒心愉快。
準新人與中層裝修客的好友 真切關顧客人需要
代入感不只有空想，Stone的公司特別受三十來歲的準新人或新婚夫婦歡迎，因為他親民不會過於高傲之外，也不會古板固執，標準有活力的壯年團隊也是Stone公司的一大優勢。
「我哋定位就係，唔係老一派，同時我哋又唔係嗰種好高級收費好高嘅公司，喺中間。所以同後生嗰啲，準備結婚嗰啲，大家好傾到偈，因為大家都三十幾歲，大家有相同經歷，知道個客想點想要乜，基本上傾兩句已經知道個客想點做。」
Stone笑言因為他在公司擺放了他喜愛的模型，而令客人選擇他，可見客人對他的觀感是十分親切。
「因為我鍾意計數，同埋鍾意砌模型，曾經有個客揀我，因為見到我舖頭有模型。佢起貨之後同我講，見到我舖頭擺咗好多模型喺度，覺得有親切感。佢話『你都鍾意玩玩具架喎，擺咁多心機去砌模型，裝修應該都唔會衰得去邊啦！』，哈哈。」
「最緊要拎個心出嚟做，如果一心諗住賺錢搵食其實就唔會做得特別好，代入埋個客點樣諗先會做得好。例如有客八點幾九點打嚟，電動油壓床夾爆電制，果排好凍，客人一定要用電暖被，所以打俾我。話比你聽，就算做而家我呢個位，我一樣即刻渣車去幫佢整，呢個就係以客為本。」
勤快、注重細節，親切都原自於Stone以客為本的精神，從懵懂少年搖身一變成了裝修行業中有責任有承擔的好青年，今天仍自信且踏實地為客人服務。
案例欣賞：
想裝修屋企/維修家居？登記「裝修佬」
免費裝修報價，24小時內專人回覆，為你推介最適合你的裝修公司。
