「我一直都好想向同行傳達，
裝修唔只係裝修，其實我哋係從事緊一門有關幸福嘅事業。」家居是承載著家庭幸福的重要支柱。作為父親的Jeffrey投身傢俬與裝修行業多年，一直保持著溫柔的初心。
以女兒的出生為始，Jeffrey創立了實木傢俬店。「可能因為有小朋友嘅關係，同家有關嘅嘢會特別上心，同老婆去行傢俬舖嘅時候，特別有感覺，自己本身又喜歡木傢俬，就決定開間傢俬舖。」
Jeffrey喜愛實木傢俬的線條、優雅和美感，認為好傢俬能賞心悅目。經過他的精挑細選，選出對傢俬有熱誠的設計師和廠商，從中細心協調，已製作出過千件實木傢俬，如此努力於為客人家居裝修和添置美妙的傢俬，只因他對家庭的重視。
裝修是建構幸福的事業 「家」使人自然而然生責任心
Jeffrey如此重視家庭，源於他體驗過在生死邊緣時，驚覺大家最記掛的總是家人。「記得太太生小朋友嘅時候，出盡全力，一吸一呼，當佢呼氣放鬆，我見到佢微微反白眼，我第一下感覺到自己同死亡咁接近，心入面好驚太太會唔會唔開返眼，感受到佢用盡自己生命嘅力量去生bb，又感動又恐懼。」
「仲有抱起bb，你會感受到初生bb好脆弱，需要你全心好好呵護。我諗對大部份人嚟講，呢個同生死咁近嘅體驗，對失去親人嘅恐懼，對新生命嘅喜悅，同埋你知道你嘅下半世需要照顧同負責一個生命，除咗不知所措之餘，你會多咗種承擔起家庭嘅責任心。」這份責任心自然地融入了Jeffrey的事業裡，因為家居是家庭重要的載體。
曾有一位患有癌症的男客人到來Jeffrey的店，病症令他經歷掙扎和痛苦後平靜下來，那時客人心裡只有一念，就是「整好間屋」，安頓妻兒，在臨近人生的尾段，能陪伴他們多久就盡力陪他們，Jeffrey為此非常觸動。
「每個人去到最終，都係想成就住佢嘅屋企同家人。諗下呢位客人，如果屋企做得唔好，男主人唔喺度嘅話，兩母女如果爆水喉漏電等等，佢哋可以點？維修工程之大會令人好困擾，所以做裝修嘅人應該要挺起胸膛，將每一個細節做好，我哋做緊嘅嘢好重要，唔只係為賺錢，而係因為我哋係從事緊一門有關家庭，有關幸福嘅事業。」
「公司嘅介紹入面寫住『和女兒一起成長的家俱店，簡約、優雅、寧靜』，要溫柔同溫暖。我哋成日都將成長掛喺口邊，咁成長係乜？例如客人托付一間屋俾你，你就要承擔佢，係呢一個商業交易裡面，你可唔可以承擔起呢個關於人哋生活幸福美滿嘅責任呢？同你要承擔一個生命同樣重要。」有這份勇氣，有這份責任心去盡力完成裝修工程就是成長。
裝修重點在於基層 豐厚經驗能歷經歲月考驗
為了能承擔起這個重任，他與有近二十年裝修經驗的好友Daley擴展了裝修業務。「傢俬可以換，但裝修係一個『超低頻，超高額，超複雜』的業務。裝修俾人感覺總係串步難行，困難重重，而家香港人搵裝修公司總係驚，總係擔心，所以我覺得如果可以做到一間令人安心嘅裝修公司，所帶黎嘅滿足感一定會更大。」
裝修的過程中，他對家居的重視性更加深了，比傢俬更無可取代。「傢俬店成日同客人講優雅，講線條，講美，呢啲當然係緊要，因為感知同享受得到，但喺裝修嘅開頭要先放一邊，遠遠未到佢哋出場，間屋睇唔到嘅嘢，先係重要。」
裝修重點在於基礎，即油漆之下的水電泥水等基建，裝飾也是後話了，但不懂工程的戶主們應如何了解？Jeffrey認為要看功積並給予信任，而他與Daley合作也是因為這個原因。Jeffrey記得Daley曾說：「你去睇裝修公司起嘅新屋當然重要，睇佢表層手工好唔好，但你都係感知唔到底層嘅嘢。你可以睇幾年後嗰啲單位，會唔會有好多問題，好嘅裝修係經得起時間嘅經驗。」
輕描淡寫背後，是Daley深厚的工程經驗，摩星嶺僅僅的十間獨立屋單位中其中三間都是由他操刀，一直以口耳相傳的方式把優質的手藝宣傳開去，從未出現過負評。Jeffrey深信好的裝修公司，他們的工程是能經得起時間的考驗。
而這些經得起考驗的家居，他們認為不能只是獨立屋的專利，所以他們致力擴充業務到所有的裝修戶主，想把優質
室內設計與裝修服務給予大家，為大家建造幸福家居。
細心善待客人 為他們思量未來
裝修是一個長時間的服務，朝夕相對三個多月以後，客人需要在這個家居住很久，因此Jeffrey對待客人還是如此細心。「例如好似實木傢俬確實靚，同時佢用耐咗無可避免會出現問題，冇可能一百年都完全新淨，呢個係實木必然嘅特性，客人買嘅時候我都會多翻提醒。」
「但我哋都會盡全力照料客人需要，例如有客人五年前同我買過傢俬，有次佢工人唔小心撞爛咗枱腳。佢買嘅時候啱啱結婚，我知道佢而家有小朋友，我就好緊張，枱腳事小，千祈唔可以有機會傷到小朋友，所以我急call師傅修理，唔關佢買咗件傢俬幾多年，幾多錢，而係當你諗到佢嘅家人時，好難唔著緊。」
進入人生事業的下半場，由傢俬到裝修工程，多年間Jeffrey從沒離開過本願，一切都緊密地聯繫著家庭，Jeffrey如此深信著，因此他更想善待好客人，以更溫柔的角度，以朋友的角色全力為客人服務。
Jeffrey回望從前，這家與女兒同年出生的店，是他人生階段的舞台，也希望女兒能視之為一個榜樣，與他和這家店一樣在跌碰中成長。他不斷地下苦工，盼這份有關「幸福」的事業能繼續不斷，與女兒一同長大。
想裝修屋企/維修家居？登記「裝修佬」
免費裝修報價，24小時內專人回覆，為你推介最適合你的裝修公司。
