——專訪：設計師黎生
今次接受裝修佬訪問的黎先生，本身是從事高收入潛力的金融業，後來為家人置業時，卻不幸遇上裝修爛尾情況。於是他突發奇想，「與其期待別人質素夠好，不如自己親手做好個質素。」就是這樣，黎先生便由從事金融業，搖身一變成為一間設計裝修公司的負責人。
置業竟遇裝修「唔對板」 決心入行親自做好工程
穩定從事金融業的黎生，在訪問中談起入行裝修設計的經過，原來數年前他為家人置業，找了判頭做裝修，但單位完工情況與心目中的模樣卻大有不同，他坦言：「與其求人做好啲，不如自己親手做好啲質素。」當時黎生亦都認為，香港人對於住宅要求愈來愈多，形容是「剛需行業」。於是，他決定疫情開業，在最艱辛的日子選擇逆境開店，挑戰自己。
疫情逆境開業 堅持照顧好每一位員工
疫情開業至今，黎生直言都有艱難時刻，「疫情期間無咩生意，好多公司都停薪留職，但諗到自己背負緊嘅唔再係一個人，而係肩負住公司上下二十幾個家庭，所以我決定點都頂硬上，一齊度過呢個難關。」筆者在聽黎生這個想法時，亦確實感受到了他的真誠真心所在。
跳出自己舒適圈後，靠自己摸索整個運作，少不了會有「摸門釘」的情況。面對種種挑戰，黎生最終靠毅力突破，而當中亦遇過不少難忘時刻。「最滿足莫過於完工同客人驗收嘅時候，客人豎起手指公讚我哋，起碼無辜負戶主當初嘅信任。對於公司嚟講可能只係一盤生意，但對於客人嚟講係一個將來面對幾十年嘅家，佢哋咁滿意我當然開心啦！」
黎生又提到，目前仍然會親自管理每宗工程，不會假手於人。「除咗我之外，每個工程亦都有7-8位同事跟進，負責幫戶主全面解決問題。客人未落實做工程前，我哋都會清清楚楚講解報價單同合約所有項目，希望令客人更加有信任感。」
「盼未來公司能提供更優質、更嶄新、更高水準的服務」
最後，作為設計公司負責人的黎生，下一階段又有什麼目標呢？「我希望未來港九新界都有門市服務到香港業主，提供更優質服務、更嶄新嘅設計、更高水準的質量。雖然香港做呢行競爭好大，但係我深信只要一直不忘初心，方得始終。」
**相片由受訪者提供**
—————————————————————
裝修師傅嘅你，睇完都想加入裝修佬平台再接多啲單？
咁就快啲加入成為我哋一份子啦！
—————————————————————
想知道更多裝修熱門資訊？讚好我哋嘅Facebook ／YouTube頻道！包你睇完一定學到嘢！
