地中海風格裝修技巧
2016年08月02日
1
142688
小編細細個就幻想自己係海邊吹住風，望住藍天白雲，詩情寫意，相信好多朋友都有過呢個諗法。雖然現實當中未必可以如願以償，所以有啲朋友為咗圓咗呢個美夢，將“藍天白雲”搬返自己屋企度。裝修佬今次同大家分享地中海風格設計，如果即將考慮地中海風格裝修嘅朋友不妨參考下啦！
地中海風格家居特點
材質上
一般選用自然原木、天然石材等，營造浪漫自然。
色彩上
以藍色、白色、黃色為主色調，睇起身明亮悅目。
傢俱選配上
通過擦漆做舊嘅處理方式，搭配貝殼、鵝卵石等，表現出自然清新嘅生活氣氛。
將海洋元素應用到家居設計中 予人自然浪漫感覺。
造型上
廣泛運用拱門同半拱門，令人有延伸嘅視覺效果。
地中海風格顏色搭配
藍與白係地中海典型顏色，泥黃、紅啡、藍紫、黃綠等亦可出現係地中海風格裝修中，呢幾種顏色通常有固定嘅搭配。
藍與白：比較典型嘅地中海顏色搭配。西班牙、摩洛哥海岸延伸到地中海東岸希臘。希臘白色村莊與沙灘同碧海、藍天連成一片。
泥黃及紅啡：北非特有嘅沙漠、岩石、泥、沙等天然景觀顏色，再輔以北非土生植物嘅深紅、靛藍，加上黃銅，帶來一種大地般嘅自然感覺。
黃、藍紫、綠：南義大利嘅向日葵、南法嘅薰衣草花田、金黃與藍紫花卉與綠葉相映，形成一種別有情調嘅色彩組合，十分具有自然美感。
地中海風格裝修特點
地中海風格有兩種典型顏色：白色、藍色。地中海風格美，包括海與天明亮色彩、好似被水沖刷過後嘅白牆、薰衣草、玫瑰、茉莉香氣、路旁奔放成片花田色彩、歷史悠久嘅古建築、土黃色與紅褐色交織而成嘅強烈民族性色彩。爬藤類植物係地中海風格裡常見嘅居家植物，小巧可愛嘅綠色盆栽亦常出現，而傢俱顏色則比較做舊，自然風吹日曬相當自然。
地中海風格家居係外形上無特定規律同通性，最大嘅特點就係顏色明亮、大膽、色彩豐富、簡單，打造地中海裝修風格唔需要太大技巧，基本上抓住白色與藍色嘅色調組合就能夠實現。
(以上圖片均來自網路，如有任何版權問題，請與本站聯絡)
