裝修佬話你知: 牆面油漆VS牆紙

2016年08月26日

346799

對於家居裝修中牆面嘅裝飾，好多人就會糾結牆面到底係油漆好定係黐牆紙好呢？牆面係屋企嘅面子，亦係體現成個家居風格嘅關鍵，如果你覺得牆紙同油漆各有各好，難以取捨的話，不妨睇下呢篇文。以下裝修佬為你逐一講解。

裝修佬話你知: 牆面油漆VS牆紙

牆紙嘅優勢 　　

牆紙係裝修材料當中可以話係最環保嘅材料，使用過程中對人體無害，從原材料到成品嘅生產過程唔會產生污染。另外牆紙所用嘅材料都係非常環保，一般係由植物澱粉提煉，所以牆紙相對其他裝修材料係比較環保。　　

除咗環保性之外，壁紙嘅風格、色彩豐富，款式花色品種多，無論係邊種裝修風格，都可以有適合嘅搭配，亦適用於任何場合。從使用角度來講，牆紙使用方便，經久耐用，可以擦洗、容易更換，一般情況下用10年係無問題，如果有輕微嘅污漬，用濕抹布就可以抹除，嚴重嘅污漬用清潔劑就可消除。　　

油漆嘅優勢 　　

油漆具有防腐、防水、防油、耐化學品、耐光、耐熱特點，係牆紙不能對比嘅。一般嘅物件直接暴露係空氣中容易被氧化、水分等侵蝕，而將表面塗一層油漆塗料，可以有效避免呢種情況出現，延長物件使用壽命。　　

油漆有顏色、光澤以及平整度等優勢，美化生活環境。油漆具有一定嘅耐高溫、保溫、防止延燃、腐蝕隔熱等作用。　　

油漆可以起到很好嘅防污絕緣效果，現時油漆提供唔同嘅特殊功能，如：電絕緣、導電、遮罩電磁波、防靜電產生等效果。防霉、殺菌、殺蟲、防海洋生物粘附等生物化學方面作用，係生活中無疑增添更多便利，令室內生活更加舒適安全。　　

裝修佬總結

牆紙顏色花款多，但畢竟香港近海，長期處於潮濕氣候，而且使用壽命只有10年左右，一般情況下裝修一次年限為15~20年。牆紙易有翹邊、起泡、發黃問題，如果牆紙有損毀就要整體更換，實屬麻煩。而油過漆嘅牆面經久耐用，可供選擇顏色多，防潮效果比牆紙好，翻新亦比起牆紙方便，價錢實惠。

(以上圖片均來自網路，如有任何版權問題，請與本站聯絡)

本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。

關键字：油漆; 牆紙; 裝修;