裝修佬話你知二手樓裝修注意事項(一)
2016年08月27日
19
371732
香港樓價高企，買樓成為咗多數香港人嘅夢想。二手樓嘅市場係近年興起，因為佢嘅價錢比起新樓足足平成2~3成，有剩嘅執下間屋就可以入住啦！由於二手樓存在隱藏問題，所以裝修唔可以馬虎，今次裝修佬同大家講解下二手樓裝修嘅注意事項。
控制好裝修預算
裝修之前要有預算，保證開支唔會嚴重超出。而且係買材料嘅時候要理智。好多人係買材料嘅時候就會不知不覺超出預算。
老化嘅水電路一定要改造
水電路係裝修嘅隱蔽工程，而且二手樓嘅水路喉線同電路普遍老化，存在隱患，所以水電改造唔可以馬虎。
要做好整體設計
做好設計很重要，好的設計方案，不一定預算高，而是對房屋本身和業主的一個量身定做，達到業主的需求，符合業主的品位為目的，二手房裝修可以考慮全部清除重行裝修或部分保留部分裝修。
絕對唔可以破壞主力牆
主力牆係房屋嘅承重主體，一旦出現問題，不但經濟上受到損失，仲會破壞房屋結構，問題十分嚴重。拆前一定要徵詢物業，因為物業會有房屋嘅結構圖紙。
舊門鎖必須要換
係擰到二手樓第一時間要做嘅就係換門鎖，因為你唔知到底有幾多個人有你舊門鎖嘅鎖匙，對影響家庭安危嘅問題一定要重視。
門窗更新慎重考慮
門窗如果材質堅固，一般來講只要重新油油漆便可，但如果木門窗起皮、變形，代表木材本身特性發生變化，一定要換新。另外鋼制門窗表面漆膜脫落、主體銹蝕或開裂，除咗唔安全外，都好難恢復原狀，為咗唔影響使用效果，建議拆除重做。
防水工程要做好
檢查原有嘅防水工程，如果無漏水情況，證明防水處理做得好。如果出現漏水現象就必須重新做防水處理。做完防水後，要等地面完全乾曬，再鋪瓷磚，進行整體裝修。
二手樓要徹底消毒
裝修二手樓有個重要嘅步驟必不可少，就係要徹底消毒。可用稀釋嘅漂白水或消毒藥水進行全面消毒，消毒完後開窗通風最少1個鐘。
(以上圖片均來自網路，如有任何版權問題，請與本站聯絡)
