【舊樓換水喉好麻煩？】裝修佬話你知二手樓裝修注意事項（二）
2016年08月27日
29
346825
舊樓、二手樓裝修係比新樓裝修更難更麻煩，因為你唔知邊part會出現問題，要留意嘅事就自然更多。特別係水電路呢啲隱藏工程，隨時影響你嘅日常生活，唔想日後麻煩，咁就需要係裝修前做足準備。今次裝修佬同大家講解下二手樓裝修嘅拆改細節。
水喉：實用同美觀並存
水喉係舊樓、二手樓改造嘅重點，舊樓水喉基本都係明喉，唔單止曬空間亦影響美觀，好多業主想將室內明喉設計為暗喉，但師傅建議，廁所同廚房應該適當咁留返啲明喉，通過設計將明喉美化，而唔係一味改為暗喉。例如煤氣熱水爐喉線可以係一段唔長嘅明喉，方便日後使用、維修。
舊樓室內水喉一般為鑄鐵或鍍鋅，長時間容易銹蝕，導致漏水、暖氣喉浸水等問題，翻新時室內喉可改為PPR。
檢查防水層
防水係水路改造必須考慮嘅問題，一啲舊樓曾經做過防水，但係翻修時切勿冒然進行避水試驗檢查防水層有否遭到破壞，因為拆除時防水層有可能受到影響，如果進行避水試驗，水會滲漏到樓下。舊樓嘅防水有無遭到破壞非常易認，裝修佬提示，舊樓嘅防水一般都用黑色防水，如瀝青油、聚氨酯等，而現時嘅防水係透明嘅，有無破壞一眼睇得出。
電路：考慮未來使用功能
電路唔單止涉及日常生活，仲關乎家居安全。電路翻新時，用電安全應擺係首位。舊樓電路佈局弱點多，強電基本唔能夠負荷現代家庭嘅用電需求，弱電亦基本唔到位，一般舊樓嘅弱電都係日後需要先用明線增加，而且電源、插座非常少。
由用電安全角度考慮，一般家庭中嘅插座、照明、大功率電器應兵分三路,如果為咗減少費用只有單一線路，用電危險非常大，跳閘、短路、火災等安全問題好可能會發生。裝修10~15年，如果電路負荷量同電線足夠，預留出5-10年嘅使用期限，第二次裝修時，電路仍然可以保留。
牆面：沙灰牆要鏟到底
舊樓嘅牆面往往係翻新嘅重點位置，尤其已經三、四十年樓齡，一般係白灰同沙子攪拌嘅沙灰牆，時間一長，基底老化非常嚴重，為咗防止牆面開裂，裝修時應將沙灰層鏟至紅磚牆，然後用水泥鋪平，再批灰，上牆漆。如果預算有限，可以鋪一層石膏板，石膏板有防裂效果。如果牆面較好，可以局部進行貼佈防裂處理。
舊樓牆面問題多，處理唔規範，建築誤差大，牆體凹凸不平，陰陽角唔平直，呢啲問題係裝修嘅關鍵。
結構：亂拆牆萬萬不可
主力牆一定唔可以拆，由於一些舊樓空間面積細、佈局唔合理，拆牆擴大空間嘅事時有發生，主力牆唔單止涉及自身安全，亦關係到成棟樓住戶嘅安全。係拆室內牆時，凈係輕體牆可以拆，拆門窗、牆磚時要避免割傷主力牆嘅“筋骨”。
(以上圖片均來自網路，如有任何版權問題，請與本站聯絡)
