室內設計經驗分享：英倫風格設計技巧
2016年08月30日
24
142678
講到英倫風格嘅室內設計裝修，首先諗到嘅必然係米字國旗、格仔圖案、水晶燈、金屬工藝品等。作為現代裝修風格，英倫風格有濃厚嘅教堂氣息，予人一種優雅、自然、浪漫寫意、舒適嘅感覺。除咗通過攬枕、地毯、床單可以增加英倫風，裝修方面又有邊啲地方可以入手呢？裝修佬話你知。
英倫風格裝修特點
係英倫風格嘅整體設計同佈置當中，主要空間用白色來裝飾，之外可以多啲暖色作為主空間嘅輔助色，形成美好嘅整體視覺感。同時主空間類似沙發同茶几傢俱，亦最好選擇英倫風格設計。
沉穩格調中透露住文藝氣息，英倫風格同復古味道相結合，突顯出成個空間嘅大氣。從優雅現代嘅空中吊頂，到視覺飽滿嘅厚質地板，令人感覺舒適放鬆。
以簡單、優雅、乾淨為主嘅英倫風格，當人置身其中時，多會感到幸福同溫暖。係視覺上可以識別屋內藝術帶比人係審美上嘅享受。香港咁急促繁忙嘅節奏，呢種裝修設計可令人煩躁嘅感覺拋之腦後。
條紋牆紙作為牆壁主調，具有一定活力，線條中帶有溫柔嘅感性色彩，柔軟嘅雕花烘托出淡雅嘅浪漫，令房屋有強烈嘅層次感，使得明暗有序，增加安全感。亦可通過擺放綠色植物，增添舒適寫意感。
早期嘅英國傢俱以橡木為主。係十五世紀哥特式傢俱時期，英倫風格傢俱呈現嚴肅單純風格。採用框架鑲板結構方式及典型嘅窗格花飾及折疊亞麻布裝飾。現時英倫風格中，大程度上傳承咗呢個特點。
客廳顏色配搭
客廳最好用深啲嘅色調，需要注意，天花板要下啲功夫，平頂嘅天花板係英倫風格嘅裝修中好避忌，加以英倫風格不可或缺嘅水晶燈搭配，可以顯得空間明亮奢華。而沙發布藝或是皮質都係唔錯嘅選擇，但要揀鮮豔嘅顏色，可以係深色嘅空間中加以點綴。
適當增加工藝品、裝飾畫
英倫風格嘅裝修過程中對細節嘅要求較高，成空間物可以顯得很空曠，可以適當咁增添些工藝品或係牆上掛裝飾畫，可以令成個客廳環境更充實。係客廳大面積採用深色後，睡房可以採用淺色調，但注意唔好同客廳風格差太遠。
如果你想裝修得簡單啲，唔想用深色調。咁大量嘅木質結構係唔錯嘅選擇。小碎花、鐵藝傢俱同幾何圖案嘅地磚搭配大量嘅木質結構，都可以烘托出英倫風格。天花板設計同樣要落功夫，整體色調可以用一啲清新嘅淺色，搭配落來頗有一番英倫田園風。
(以上圖片均來自網路，如有任何版權問題，請與本站聯絡)
