室內設計經驗分享：電視背景牆設計技巧
2016年08月31日
20
142989
隨著社會進步，生活水平嘅提升，我地對生活質素嘅要求亦都越來越高。對於家居裝修對比好明顯，以前一般嘅電視後面係白雪雪嘅牆，隨著背景牆嘅流行，越來越多裝飾背景牆問世。試問，一款好嘅室內設計又點會少得背景牆嘅功勞？以下裝修佬教大家電視背景牆嘅設計技巧。
顏色搭配
電視背景牆嘅顏色是比較容易搭配，畢竟市面上大部分電視都係以黑色為主，另外就係銀色、白色等。大部分人都會選擇黑色嘅電視機，所以背景牆顏色嘅選擇面範圍好大，只要同客廳嘅整體風格協調便可。
裝修佬建議: 背景色以白色為主，再用其他自己鐘意嘅顏色點綴效果已經好唔錯。藍色同綠色都會令人覺得舒適，喜歡鮮豔色嘅朋友可以選擇橙色或者粉色等。另外係背景牆上掛藝術畫，增添文藝氣息。
以石材、瓷磚為主
經過切割、打磨、拋光嘅石材係一種高檔裝飾材料，而且石材唔會受限於裝飾風格，所以好多高端設計，一般都會用石材來作為背景牆。而根據近年來瓷磚嘅製作工藝水準提高，石材相比價格適中，所以好多設計都會用瓷磚作為電視背景牆裝飾。如果唔鐘意棱棱角角、堅硬材質嘅朋友可以選擇軟包嘅背景牆。
以玻璃為主
現代嘅玻璃加工技術同工藝漸漸提高，市面上亦有很多裝飾效果唔錯嘅玻璃製品。所以現時背景牆嘅裝飾上，用玻璃嘅亦多，而且效果十分良好。
以牆紙同牆繪為主
牆紙造價低，而且現在牆紙品種繁多，選擇餘地非常大，效果特別明顯，最大嘅好處係無論高低端設計，都可以有好好嘅裝飾設計效果。
以板材同地板為主
板材地板價格實惠，而且容易安裝，自帶木紋對背景牆有一種非常強嘅裝飾效果，而且比其他裝飾顯得更大氣、自然。
自己設計
部分人或者會搵設計師幫手設計背景牆，其實自己設計背景牆會更別出心裁，與眾不同。
(以上圖片均來自網路，如有任何版權問題，請與本站聯絡)
