裝修佬話你知：搬屋注意事項
2016年08月31日
20
345740
買完樓，裝修完，最重要嘅事就係搬屋啦。搬屋受中國傳統文化影響，變得特別講究，為求好風水、好意頭。搬屋嘅注意事項有好多，好多程序都係要遵守嘅，例如擇個好日、搬屋時間等，為求心安理得。搬屋咁緊要嘅事有啲咩需要注意呢？裝修佬話你知。
搬屋要擇吉日
好日子係必須嘅，所謂吉地亦要良辰催，係有道理嘅。就好似嫁娶、喪葬一樣，中國自古對良辰吉日非常重視。搬屋亦都一樣，日子要揀啱，搬屋時間唔揀火日，要揀水日，陰日選擇陽辰，陽日同銀時配合。選擇好日嘅時候注意合一闔家中每個人嘅八字生肖，避免相沖。
提前規劃 制定好計畫
搬屋嘅講究有很多，理學上來講，搬屋要符合玄空卦理，咁先能夠減少令人煩惱嘅災晦，亦就係搬屋前要制定好路線，唔理係搭車還是行路，最好唔揀交通擠塞路線，咁樣唔吉利，而且搬屋最好係下晝三點之前就要完成，要注意時間觀念。
搬屋主人先入門
搬屋嘅時候最好係屋企主人先入門，指嘅係屋企嘅一家之主。搬屋當日如果太多傢俱、請咗親戚朋友幫忙嘅話唔好俾佢地先入門，要自家人先入去在俾佢地入門，主次分先後。
搬屋首拿貴重物品
入住新屋時忌屋企人空手入屋，搬屋物品一定好多，唔可能一次就搬完。第一次入門手上宜擰貴重物品，入門就開窗令屋企讓財氣入門，霉氣出門，做到藏風聚氣，留住好風水。
搬屋入屋先點香
講究嘅人會係搬入新屋後點香，由屋嘅左邊開始，用濃煙上下熏掃廳房、廁房廁所、廚房灶頭、天花板、牆面再到牆腳，係屋嘅右邊出來，到達安全地方，熄滅香火然後棄置。咁做係為咗祛除邪氣，將濁氣趕出門，但係大部分人為求方便一般不會揀咁麻煩嘅工序，都係開窗等濁氣自然散去。
煲水、用水有講究
第一日入住，塞住所有池盆，打開水龍頭，等佢細水漫流，有盤滿缽滿嘅寓意。可以煲一壺滾水，水開滾滾，寓意財源滾滾。切記第一日搬屋中午嘅伙食一定要係新屋度煮，意思就係新屋開夥，從此落地生根，過日子。
神佛需要提前搬
如果屋企有佛龕神位要提前搬入，唔好等到搬屋果日才來佈置，搬屋前就需要提前將神佛搬入新屋。如果有忌諱，安床嘅日子最好擇日，床呢啲大擺件或者係裝修完就搬入去，因為搬屋本來求嘅就係好意頭，講嘅唔係一日就要全部將物品搬曬入去。
搬屋帶上柴米油鹽
搬屋其實就係新屋入夥，好多人係搬屋前都已經將傢俱安置好，就係帶啲行李日用品入去。其實凈係帶行李係唔夠架，仲需要帶柴米油鹽，意味你係新屋入夥。
搬屋要用新枕頭
搬屋係氣場嘅重新轉移，呢個時候需要等枕頭先入夥，按照屋企人口，將利是壓係枕頭底，放係各自床上，當然呢種屬於民間搬屋習俗，搬物嘅講究有好多而且各地不同，僅供參考。
圖人氣要鬧房 (House warming)
搬屋後一個禮拜內必須要鬧房，呢個習俗係好多地方都有，一來係搬屋請親朋好友來熱鬧，二來新屋入住，為佢加點人氣。一般可以請親戚朋友、鄰居到屋企熱鬧下，傾計聚餐。
(以上圖片均來自網路，如有任何版權問題，請與本站聯絡)
