裝修預算如果唔夠點算好？ (1/3)

2016年09月02日

371319

裝修係一件傷神、傷身、耗時間嘅事，而且裝修預算仲要用一大筆錢。

不過，好嘅裝修會令你每日都願意留係屋企，心情愉快。現時物料、人工咩都貴，想要好嘅裝修但又驚唔夠預算，的確令人頭疼。

其實係裝修入面，好多位置都可以慳到不必要使嘅錢，究竟係點？裝修佬話你知。

飾品取代沙發牆

客廳嘅裝潢，業主一般比較講究。於是發展到唔單止設計特色電視背景牆，連沙發後面都開始做背景牆。其實客廳需要一個視覺中心，電視背景牆就係呢個中心。係沙發後面再做背景，有啲喧賓奪主，掛上簡潔嘅裝飾畫係唔錯嘅選擇。

書房唔做假天花

一般家庭會將細房作為書房。由於本來面積就唔大，再放入電腦枱、書櫃等已經佔去大部分空間，如果再做假天花，書房就會顯得非常壓抑。現時簡潔風較流行，石膏陰角線乾趣都唔做，將書房嘅吊頂設計去除。

唔貼牆紙

牆紙係家居設計佔大部分嘅裝飾材料，價錢平嘅牆紙會放出有害氣體危害健康，貴價嘅牆紙只會增加裝修費用，而且牆紙使用壽命唔長、容易破損、發黃、發霉、難打理等。建議使用油漆或乳膠漆。

去除多餘燈飾

設計師偏愛燈帶同射燈，無論邊個區域都要裝一排。一般家庭亦只有親戚朋友來時先會打開一陣，而且燈帶同射燈嘅使用壽命比節能燈泡短得多，功耗卻好大。所以只需要局部裝點綴裝飾，將多餘嘅燈帶、射燈去除。

用金屬櫃代替儲藏櫃

廁所係屬於比較潮濕嘅空間，如果無做成乾濕分離，儘量唔好做儲物櫃，如果唔係櫃入面會因為潮濕原因發霉，櫃體亦會因為受潮而變形。可以係牆上裝一個金屬櫃放置雜物。

用浴室寶代替抽氣扇

浴室寶具有乾衣、抽氣、暖風等功能，比起傳統抽氣扇方便、實用得多，而且睇起身高檔得多。

(以上圖片均來自網路，如有任何版權問題，請與本站聯絡)

本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。

關键字：裝修; 裝修佬; 裝修預算;