裝修預算如果唔夠點算好？(2/3)
2016年09月02日
16
398506
上一篇文裝修佬同大家分享左少少裝修預算嘅慳錢妙法, 今次再同各位分享下有咩地方可以錫住個銀包。有錢冇錢人都啱睇, 呢度慳少少, 個度又少少, 好快又夠首期買第2層樓架啦!
墊高地板作床架
將睡房嘅地板墊高 ，係地板上擺2張單人床墊，就可以慳返2張單人床架嘅費用。墊高地板雖然要加錢，但會平過2張床架嘅價錢。
展示櫃唔做牆板
櫃釘牆板除咗有防潮嘅功能外，仲有受重嘅作用，可防止小朋友攀爬櫃發生嘅意外。如果牆面無滲水問題，無放置重物，可以唔要釘櫃嘅牆板，既可慳錢又美觀。
隔牆做衣帽間
衣帽間比做衣櫥平，只要有約30尺嘅空間，就可以用木作夾板隔出衣帽間，考慮到美觀性，仲可以係牆板上做造型。
拋光石英磚取代大理石地板
大理石未計人工，凈材料就好貴，裝修佬建議拋光石英磚代替，可以慳唔少錢，仲有大理石嘅華麗效果。
木做櫃
裝修要慳錢，一定得要從木作入手。一般木做櫃嘅計價方式，除咗木工師傅做櫃體同五金配件嘅價格外 ，仲包括埋門片油漆嘅費用。為咗慳錢，可以請木工師傅做櫃嘅桶身，再用系統櫃門片，咁樣唔單止慳咗門片油漆嘅費用，再加上系統櫃嘅價格本來就比木做櫃平，可以慳返唔少錢。
鞋櫃取代玄關屏風
為咗唔令客人一眼就睇到客廳，業主通常會係入門處安置玄關屏風。考量到實用性同預算，建議用鞋櫃代替。雖然鞋櫃嘅價格比玄關屏風貴，但比較實用，而且仲慳返玄關屏風嘅費用。
三面鋁窗
鋁窗最慳錢嘅做法，就係用三面搭配5mm厚嘅強化玻璃，如果係用格仔造型嘅鋁窗，價格會多1倍。
廚房設備用國貨
廚房裝修要慳錢一定要從廚具同瓷磚落手，如果預算有限，可全部採用大陸貨。例如：人造檯面、不鏽鋼水槽等。
(以上圖片均來自網路，如有任何版權問題，請與本站聯絡)
