裝修佬話你知:廚房裝修注意事項
2016年09月09日
12
396127
廚房裝修係全屋最麻煩亦係最重要嘅地方，廚房用品多，除咗注重收納功能外，用料方面要防水、防火之外，仲要抵受油污、易清潔等，一定要謹慎。以下裝修佬教大家廚房裝修嘅注意事項。
廚房面積
廚房嘅使用面積要適中，過大無疑浪費，而過細就擠逼不堪，合理面積一般為 80尺左右。要保證廚房空間嘅自然採光同合理通風,廚房如果面積夠大，可放置小型餐枱，咁樣可以兼作飯廳使用，無須另覓空間作為飯廳，或可做隔斷以作分隔空間之用。廚房面積如果細，就應該注意收納。
廚房收納
廚房嘅功能決定咗佢係家居環境最易污漕、凌亂嘅地方。充分利用空間，利用台櫃、吊櫃等，而吊櫃一般做成30到40CM寬嘅多層格。傢俱應儘量採用封閉形式，將各種用具物品分門別類儲藏於櫃內，既衛生又整齊。廚房嘅矮櫃最好做櫃桶，推拉式方便取放。吊櫃操作平枱之間嘅空隙可以用來放取一啲烹飪所需嘅用具。
廚房油煙問題
抽油煙機嘅高度以使用者身高為准，而抽油煙機同灶台嘅距離不宜超過60CM。先安裝櫥櫃後安裝抽油煙機，係最容易產生麻煩，所以最好同櫥櫃同時安裝。選購抽油煙機等家居用品時中式會比歐式嘅吸力更強。
廚房瓷磚
牆面瓷磚嘅選擇應考慮室內光線照射度，太光、太暗嘅空間應採用啞光且色彩淡雅嘅瓷磚，避免造成光污染，形成視覺疲勞。地面瓷磚嘅選擇係考慮色彩同光澤之外，仲應重視使用舒適性，應選擇防滑瓷磚，且介面要細，防止積藏污垢，要方便打掃衛生。唔好用馬賽克鋪地。以免滑倒跌傷，造成身體傷害。
廚房燈具
廚房燈具宜採用防水燈具如防霧燈等，線路接頭應嚴格用防水絕緣膠布認真處理，以免水汽結露進入，造成短路，發生火災。廚房燈光需分成兩個層次：一個係對成個廚房嘅照明，一個係對洗滌、準備、操作嘅照明。
廚房慎選木製品
廚房使用大量嘅木製品時，應注意廚房嘅通風同換風系統完善，避免水汽長期聚留係地板同牆面上，使木製品裂開、變形、腐爛等。
廚房窗簾
廚房窗簾選擇上應採用鋁合金烤漆鍍膜嘅百葉窗，儘量唔用布藝窗簾，避免在沾染油污後唔易清理。
廚房天花
廚房嘅頂面、牆面宜選用防火、抗熱、易於清洗材料，如釉面瓷磚牆面、鋁板假天花等。廚房天花應考慮採用防水產品，即防水石膏板，高性能嘅防水乳膠漆，美觀嘅同時，唔至於造成使用上嘅不便。
(以上圖片均來自網路，如有任何版權問題，請與本站聯絡)
