裝修風水學：茶几

2016年09月10日

182454

茶几都有風水?無錯，茶几作為屋企傢俱雖唔起眼，但有著獨特嘅風水作用。茶几唔同形狀、材質、顏色代表著唔同嘅五行同寓意，影響著主人運勢，構成咗客廳風水嘅重要角色。茶几既有美化、收納用途，仲有風水作用，究竟有啲咩需要注意呢？裝修佬話你知。

擺放位置

茶几宜以矮且平為原則。如果人坐係沙發中，茶几高唔過膝，就比較理想。此外，擺放係沙發前面嘅茶几必須有足夠空間，如果沙發同茶几距離太近，唔單止會造成諸多不便，亦會帶來較為負面嘅風水影響。

茶几形狀

茶几嘅形狀以長方形同橢圓形最為理想，圓形都得當，而帶尖角嘅茶几應免則免。有啲年輕人鐘意造型獨特嘅茶几，但從風水角度來講，太奇特造型並唔是風水上嘅理想之選。

茶几大小

對客廳風水而言，沙發係主，茶几係輔。沙發較高係山，茶几較矮係砂水，兩者必須配合，山水有情，先符合風水之道。因此，沙發宜高大，而茶几宜矮小，如果茶几嘅面積太大，就係喧賓奪主，易導致家口不寧。

茶几色彩

茶几色彩嘅選擇同樣以結合主人命理所喜為佳，咁先會更有利於主人嘅運勢。如，命理喜木之人，可選用綠色系列。命理喜火之人，可選用紅色、紫色系列。命理喜水之人，可選用黑色、藍色系列。命理喜金之人，可選用白色系列。命理喜土之人，可選用黃色、土黃色系列。

茶几材質

風水上，茶几嘅材質通常要根據主人命理所喜五行同行業嘅關係來決定，通常從事創造設計及演出行業嘅人適宜選用木質茶几。從事政界同金融人士適宜選用玻璃材質茶几。從事物流運輸行業及外貿行業人士應採用金屬銅質茶几。從事教育及美容化工業人士宜選用藤質茶几。從事地產同餐飲及醫藥人士宜選用塑膠茶几。另外，石材或木材製成嘅茶几，作為穏重同權勢嘅象徵來開運，並將其擺在西北角，以加強男主人嘅事業基礎。

(以上圖片均來自網路，如有任何版權問題，請與本站聯絡)

本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。

關键字：裝修; 風水; 裝修佬;