裝修佬話你知：家居防塵技巧
2016年09月12日
21
374309
打掃衛生係每個家庭都必須要經歷嘅過程，特別臨街、附近裝修、大風時候更係苦不堪言。傢俱電器容易黏灰塵，如果灰塵太多唔單止對我地嘅呼吸道有影響，仲會造成室內空氣質素變差，細菌病毒就會無處不在，直接影響人體健康。呢個時候你需要掌握正確嘅家居防塵技巧，減少室內灰塵對我地生活嘅影響。究竟係點？裝修佬話你知。
電器關閉唔待機
電器唔用時要拔走電源插頭，儘量唔待機。電器待機一來帶來不必要嘅耗電，二來會產生大量嘅靜電吸灰塵。另外，最好經常用擰乾嘅濕抹布或防靜電抹布擦拭傢俱。
緊閉門窗防灰塵
多通風是健康家居的法則，但係臨街、大風時候、附近裝修就唔適合開窗通風。另外，窗口密封條老化，亦會導致大量灰塵進入室內。不妨係窗玻璃四周貼上玻璃密封條，可以阻止灰塵通過空隙進入屋內。另外，樓道內經常灑水、打掃係減少樓道灰塵、避免灰塵進入室內嘅有效方法。
紗窗紗簾擋沙塵
打開窗固然可以望到外面景色，但是乘虛而入嘅灰塵就令人十分頭疼。係窗裝一層紗窗紗簾，可以有效防止沙塵入屋。棉質厚窗簾可以起到很好嘅防塵、隔音、隔溫效果，仲能防蚊蟲。如果屋企裝修時間超過5年，要看天花板有無落灰現象，有嘅話要及時清理落灰。
開放式衣帽間或衣櫥，如果無裝推拉門，可以用垂掛紗簾來防塵。唔好係易落灰嘅窗隔離堆放太多雜物，隨時保持清潔。
綠色植物
發財樹、仙人掌等植物具有防塵、去毒、淨化空氣能力，可以放置幾盆植物係室內、門邊、窗邊等位置，但是有啲植物會造成人體過敏，添置植物之前先瞭解屋企人會否對植物過敏。有啲植物亦唔適宜擺係室內，最好瞭解清楚植物嘅特性再購買。
柔順劑係好幫手
每次抹傢俱時抹布上加小許柔順劑可以有效減少灰塵，柔順劑可以減少靜電吸附灰塵嘅停留。
空氣清新機
空氣清新機嘅負離子令塵埃、煙霧、花粉、飛沫水滴及懸浮嘅微生物等氣溶性物質易於聚沉，同空氣中有機物質起氧化作用而消除其產生嘅異味，因而具有清潔空氣、改善環境品質等。實驗研究證明，空氣負離子對空氣微生物具有較強抑制作用，令病毒失去對細胞嘅攻擊能力，從而具有殺減細菌淨化空氣嘅作用；
裝修佬溫馨提示
空氣中常有好多眼睇唔見嘅粉塵，所以，平時係屋企要注意防塵。係客廳同小朋友房之間儘量少鋪地壇，少放絨毛玩具。因為呢啲裝飾品會容易藏污垢，而且難以清洗。經常用抹布清潔傢俱，特別係電腦、電視呢啲容易吸塵嘅家用電器，用過後嘅抹布要要清洗乾淨再晾乾。
(以上圖片均來自網路，如有任何版權問題，請與本站聯絡)
