裝修風水學 - 客廳風水畫選購技巧

2016年09月13日
18
153069
客廳作為一個放鬆身心、娛樂、會客嘅場所,裝飾客廳尤為重要。客廳掛畫成為普遍嘅習慣,一來裝飾客廳增加美觀,二來提升整體客廳風水走向,有一定意義上可以趨吉避凶,一舉兩得。說話可以亂講,畫唔可以亂掛,係掛畫前我地需要攪清楚其寓意同適宜擺放嘅位置,咁先可以達到目的。究竟咩類型嘅畫啱你呢?掛畫又有啲咩需要注意呢?裝修佬話你知。

裝修風水學 - 客廳風水畫選購技巧


眾魚嬉水字畫   

水為財,而魚又有著年年有餘、連年有餘嘅吉祥喻意,所以雙魚嬉水圖、九魚圖最適宜擺客廳正門45度對角錢嘅財位上,取其招財喻意。    

山水畫   

山水字畫擺法較為講究,一般適合擺係全屋座方,即門嘅另一邊。或睡房床位置嘅左手邊。山勢平圓嘅字畫亦可掛係書桌後面作為靠山,可以增加貴人運。宜掛係客廳、會議室、辦公室嘅櫈後等。    

雄鷹展翅圖   

雄鷹展翅一般掛係書房及客廳,代表著鵬程萬里、大展宏圖、壯志淩雲意思,但要特別留意嘅係掛畫後雄鷹嘅嘴唔適宜對著人嘅頭,所以一般係唔適宜掛係沙發、櫈上面。 

牡丹圖畫   

牡丹喻意富貴吉祥,深受大家喜愛。而係家居擺放中牡丹圖一般可選擇北方同南方,因為牡丹屬木,北方係堪輿上嘅水地,木得水生而茂盛繁榮。南方是火地,取木生火係興旺之象,呢個佈局係近廿年中催旺咗風水上嘅九紫財星。由於西方為金,木不宜被金克,所以牡丹圖一般唔適宜放係西方。牡丹象徵富貴、繁華等,適合掛係客廳同睡房。    

書法   

書法係風水上最常見用處係擋門煞。例如大門正對著睡房,在風水學上房被門正對著有不利之說,因為大門開閉所形成嘅急速氣流會直沖入房,遇上呢種情況就可以係房門上掛墨寶。    

荷花畫   

荷花亦係蓮花,寓意和氣,出污泥而不染,信佛嘅亦有寓意圓滿、善心等,宜掛係客廳、會議室、長者睡房等。    

竹畫   

寓意步步高升,節節高,宜掛放係書房、小朋友睡房、辦公室等。   

一帆風順畫   

由於五行生克原理,所以唔適宜掛係南方,另外必須注意帆船下嘅浪花唔能夠朝向門窗。 

裝修佬溫馨提示

 唔適宜掛超過一幅人物抽象裝飾畫,因會令屋企人嘅情緒反復大,心理唔平衡,容易神經過敏。 

日落西沉嘅裝飾畫唔好掛,此類畫象有令人減低衝勁嘅效果。 

唔適宜掛已故親人嘅大頭畫像,因會令你做事倍增壓力。

唔適宜掛瀑布之類裝飾畫,因為呢啲畫主屋企人運氣反復。 

唔好掛紅色太多嘅裝飾畫,因為會令屋企人容易受傷或脾氣暴躁。 

顏色太深或者黑色過多嘅裝飾畫唔可以買。呢類型裝飾畫望落令人有沉重感,令人意志消沉、悲觀同做事缺乏衝勁。 

兇猛野獸嘅裝飾畫唔適宜購買,否則屋企人健康會較差。

(以上圖片均來自網路,如有任何版權問題,請與本站聯絡)

裝修風水學 - 客廳風水畫選購技巧
巨龍
187篇