通渠？裝修佬幫到你—地漏篇
2016年09月13日
18
379972
地漏係廁所最主要嘅疏通口，佢可以有效阻止物件阻塞下水道。但長時間唔清理就會導致淤塞，從而出現去水唔暢快、返味、滲水情況，影響日常生活。我地遇到呢啲情況需要點疏通呢？以下裝修佬教大家通渠方法,令你屋企地漏遠離淤塞, 減低引渠王入屋嘅機會。
地漏淤塞三種可能性
如果地漏蓋無唔見，咁就有可能係以前裝修時候有建築材料跌咗落條喉入面，無及時清理導致淤塞。
平時有比較多雜物如頭髮、纖維物、洗浴用品積聚油脂、灰塵等沖落喉道，造成淤塞。
地漏連接嘅外牆排水主喉道淤塞咗，導致水排唔出去，呢個時候需要問下樓上樓下嘅人有無類似情況發生。有嘅話就係出面條主喉道問題。
解決方法
超级市場有賣專門清理喉道淤塞嘅疏通劑(姐係俗稱通渠佬)，其對油脂、頭髮、菜葉等廚房垃圾及廁紙等淤塞物都有效果。根據淤塞程度倒入適量，購買之前要注意睇說明，因有D通渠佬只適用於金屬管道，而塑膠製品唔可以用。
先將一條直徑接近排水口嘅圓木插入水喉度，並係水池度放入一定量嘅水，不間斷咁塊速上下抽動圓木(姐係係咁CHOK)，係吸力同壓力嘅作用底下，喉道中嘅污物就會被沖走。
地漏下水道發生淤塞時，可將打氣筒嘅膠喉塞入下水道，再倒入少量清水，不斷打氣，喉道就能疏通。
將半杯蘇打粉倒入下水道，再倒半杯醋，蘇打同醋嘅酸發生反應後就可以去除喉道嘅黏附油脂物質。
下水管道淤塞，可以係買幾塊火堿，放入廁所度，然後再倒D熱水，喉道裡嘅油垢會逐漸溶化，順水排出，從而解決下水道淤塞問題。
係水龍頭接一條足以通到淤塞點嘅軟喉，將軟喉放入地漏至塞唔入去，然後用毛巾儘量塞住地漏口，放水同時用力壓住地漏口毛巾儘量唔俾水滲出。反復一至二次便可。
將吸管全身切小小口，盡可能唔剪爛，固定係木棍上，向去水口不停攪動，咁樣頭髮就會聚集係吸管上，呢個方法簡單快捷。
裝修佬溫馨提示
地漏，係連接排水喉道系統同室內地面嘅重要通道，作為住宅排水系統嘅重要部件，佢嘅性能好壞直接影響日常使用。係日常當中，無論地漏是否有淤塞情況，我地都要對其做疏通工作。如果長期無人係屋企，最好用蓋將地漏封住。
(以上圖片均來自網路，如有任何版權問題，請與本站聯絡)
