室內設計經驗分享:木地板VS地磚

2016年09月14日
10
138284
選擇木地板、地磚進行家居裝修時係每個初試裝修者都會遇到嘅難題。木地板天然舒適,地磚容易清洗打理、保養簡單,要係兩者之間做選擇的確頭疼。在此,裝修佬針對木地板地磚嘅優缺點作出分析、總結,希望幫到你。

室內設計經驗分享:木地板VS地磚


木地板優點 

美觀自然、較好舒適感、保溫性能好等。地板具有美觀、耐用特性,天然嘅木種,可以表現一個人嘅生活品味。地面過硬會令人腳感唔舒適,居室選用彈性較好嘅木地板,唔單止腳感舒適,而且仲大大降低對樓板撞擊噪音,從根本上解決噪音超標問題,令居室更溫馨、安寧。 最後當然係冬天踩落去冇咁涼浸浸啦!

木地板缺點 

受天氣及濕度影響較大,需要定期保養,水浸後容易變形翹邊,有甲醛釋放,使用壽命相對較短。木地板確實有美觀自然、腳感舒適、保溫性能好嘅好處,但需要我地勤力保養。木地板容易變形起翹,如果質量唔好會有甲醛釋放,引起室內污染,對健康有危害。難打理,仲要經常打蠟做保養。

室內設計經驗分享:木地板VS地磚

地磚優點 

容易清理、保養簡單,不易藏污垢、無空氣污染物、堅固耐用、使用壽命長,一般可以使用10~20年,防火、防水、防腐性能好,環保,造型豐富。地磚打理起來方便容易,亦唔需要擔心被水整濕或被硬物劃傷。色彩款式選擇餘地較大。 

地磚缺點 

家庭使用舒適性不如木地板,保溫隔熱性差,使用區域有局限性,個別瓷磚會有放射性污染,成本高,鋪裝複雜、施工繁瑣,地磚踩係腳感較硬。潮濕天氣容易“線”親。


裝修佬總結 

用木地板還是地磚主要係睇你裝修風格。木地板使用壽命短、難打理、易變形翹邊,如果唔定期保養容易殘舊。地磚堅固耐用、清潔方便容易,造型豐富、使用壽命長。如果屋企有長者、小朋友,可以鋪地壇,減低受傷程度、腳感舒適。總結,如果你唔係一個勤力、有充足時間去保養嘅人,使用地磚係最好嘅選擇。

(以上圖片均來自網路,如有任何版權問題,請與本站聯絡)

室內設計經驗分享:木地板VS地磚
設計風格
143篇