裝修佬話你知:舊樓木地面翻新方法

2016年09月15日
17
334236
地板美觀自然、保溫性好、耐用舒適等,最特別嘅係有一種欲置身於大自然嘅感覺,呢種親近自然嘅風格來裝飾居室不失為一種好方法。但木地板長時間落來,會發現其鬆散、霉變生斑、變形等,影響居室環境,更換必然要花費一筆大數目。以下裝修佬教大家翻新舊木地板技巧,希望幫到你。

裝修佬話你知:舊樓木地面翻新方法


舊樓地板翻新分為剷除原有地板同唔剷除舊地板兩種情況。要採取邊種方法,就睇舊地板嘅損壞程度。   

保留舊地板:

原有地板如果係實木地板,並且保養得比較好,可以考慮唔拆除,係原有地板嘅基礎上對鬆散部位進行加固或調整。原有地板如果係複合地板,使用年限未超過5年,而且無嚴重磨損時,可以繼續使用,但要檢查地板嘅完整性同是否鬆散。   

翻新舊地板:

地板翻新就係通過對地板表層進行打磨、刮底灰、上漆、上蠟拋光,令舊地板恢復光鮮,延長使用壽命。   

打磨地板時,打磨機應依次使用40目、80目同120目嘅砂紙。目數越大,砂紙粒越細,打磨留下嘅劃痕越唔明顯。打磨三次,然後刮底灰鋪平地板,之後再對地板進行上漆或調色處理。由於實木表層嘅紋理都係天然嘅,無法改變花色,只能調節地板顏色嘅深淺。   

地板一般需要油一次底漆,兩次面漆。如果打磨後嘅地板表面仲有瑕疵,就要根據情況油多幾次底漆。一次漆完全乾透後先油下一次漆。所以地面翻新一般需要4日時間。   

表層厚度達到4MM嘅實木地板、實木複合地板同竹地板都可以進行翻新。但強化地板表面有一層三氧化二鋁耐磨層,翻新地板會破壞其耐磨層,造成地板老化加劇,所以強化地板唔可以翻新。   

受損、霉變同變形嘅地板唔一定可以做地面翻新。地板霉變一般都會深入地板內部,打磨後嘅地板表面都係會有霉變嘅斑點,此外,地板變形同受損都無法通過打磨得到補救。 

裝修佬溫馨提示 

有朋友會認為局部地面翻新、更換更慳錢。但其實對一間房嘅地板進行整體翻新效果會更好,基本能達到新地板嘅效果,但局部地面翻新就會造成地板間嘅新舊差異,地板使用年限越長,新舊差異就越明顯。

(以上圖片均來自網路,如有任何版權問題,請與本站聯絡)

裝修佬話你知:舊樓木地面翻新方法
康少
342篇