第20伏 - 裝修設計之伏 **已解答

2015年09月30日
0
119098
第20伏 - 裝修設計之伏 **已解答
(中伏機會:50%/50%/90% 中伏代價:頭兩個伏幾萬蚊,第三個千零蚊加效果打折)

你搵設計師設計全屋櫃。流程如下:

你俾$1,000,佢黎度尺,然後傾下點設計全屋,佢提議你造十一個櫃。佢開單$88,000,
你諗過,廚廁搵裝修師父造平一半,於是決定要佢造七個櫃,價錢為$48,000,
你俾25%訂($12,000)後,佢開始造3D設計圖。

你睇完圖後,揀造其中三個,價錢共$15,000,即係仲有尾數$2,000,於是你俾多50%,
既係$1,000然後佢出具體尺寸圖,確認後造櫃,工人裝櫃,你俾埋尾數$1,000。

$15,000獲得了全屋的設計意見和三個櫃。

問題:
1. 以上既如意算盤打唔打得響?
2. 以上流程中,有咩非常危險既伏要避免?(如果你唔想打官司)
3. 呢個3D圖入面有咩設計上既錯誤?(冇錯我中伏了)

答:
1. 打唔響!因為你俾25%訂,意思已經係造哂所有櫃,之後只係造三個櫃,另外那四個
櫃的25%訂就放棄左冇架啦,所以尾數係那三個櫃的75%,即是~$10,000,而不是$2,000!
2. 旺季時,好些設計師會因太多野做,遲遲唔出圖俾你,到時你遲入伙會有好大損失。
所以要一早講定哪一天出設計圖,並且合約上註明遲左既,你可以拎番訂並且追討損失
之類(記得預時間改圖),佢起碼唔會口輕輕。我朋友遲左大半個月先入到伙,如果到時冇
地方住,要訓酒店,損失會很大的。
3. 窗簾用來遮光,櫃下面的area沒有遮住,射住書桌點做野呢?而如果要遮住,上面條窗
簾軌會在櫃與窗之間,櫃的尺寸就會唔同,上下櫃才能拍齊。設計師完全冇考慮有個洞既
問題,結果我窗簾造到貼牆,上下書櫃就唔係對齊...


第20伏 - 裝修設計之伏 **已解答
裝修中伏大全
224篇