第22伏 - 如何防止拖工爛尾
2015年09月30日
0
180927
由於裝修俾錢方式一般係30%/30%/30%/10%，遇上「做幾日放幾日」或者
因旺季不斷拖你工(可做多單生意)既師父，你唔俾最後10%佢，其實亦補唔
番你既捐失，如果大家吵起上黎，很容易兩敗俱傷。避免此伏的方法之一
如下：
1. 一開始同佢畫一幅「甘特圖」(Gantt Chart)，了解清楚哪一個工序要做幾耐，
同埋有冇先後次序。只需要幾分鐘，很值得做。咁樣亦可以有助你發現「額外
事項」，避免部分隱藏收費伏。例如佢會唔會塗防潮層，或者油油打算油幾多
層(一般每一層都要時間乾)，呢D都可以起個圖度見到/傾到。如果你個圖造得
好，仲可以預埋幾時要買乜野等等。
2. 過程中如果發現工程追唔上schedule，例如你見到應該完成鏟底，佢爭左三日
，你就知道佢已經遲左三日起貨。你就要考慮會唔會搵另一個師父接手或者同
時進行。當然咁樣做好唔理想，只係「止蝕」的方法，所以有問題盡早同師父
傾。另外，搵另一個師父一齊做是容易引起麻煩和不滿的，也不是個個項目可行
，最好一早傾好「如果遲左schedule是否這樣做」。
3. 可以同師父講遲起貨你要承擔既代價(例如要住酒店)，同埋除天氣情況外，什
麼情況下會延工 (一般只有天氣這個因素，而天氣亦只影響後期的個別項目，如
每層油漆乾透時間)，或者萬一師父病左要請好多日病假等，會不會大大影響完
工日期。唔好講到你唔信佢咁，只係你想知道萬一呢D意外點做，想借佢咁多年
經驗徵詢下佢意見咁...
如果你手上已有一份甘特圖樣本，同師父傾就更加容易了。
如想要一個sample 裝修Gantt chart，請Like/Share本帖後留言，我會pm你！(請給我
幾日時間，因為我想造一份清清楚楚，有哂注意事項的，俾大家參考~)
