裝修風水學：財神擺放位置
2016年09月28日
10
182470
歌仔有得唱“財神到財神到好走快兩步，得到佢睇起你，你有前途”，試問有邊個唔愛財神呢？好多朋友都會係屋企擺設財神供奉，希望帶來好嘅運程。但財神你真係識擺？擺放又有啲咩需要注意呢？裝修佬話你知。
財神擺放方向
財神分文財神同武財神，文財神有財帛星君同福祿壽三星，武財神為關公同趙公明。一般居家住宅宜擺放文財神，面向屋內，擺係入門口嘅對角處，而辦公生意場合宜擺放武財神，擺係屋嘅正中，面向大門。除文武財神外，還有一位財神，就係邪財神，邪財神係專管偏財，亦就係橫財，比如賭博股票之類。邪財神要擺放係屋外嘅空地平臺上，唔可以同正財神一齊放係屋內。
財神質地同供奉
文財神嘅香爐同長明燈要純銅制，供奉宜為甜點。而武財神，香爐同長明燈一定要陶瓷土制，供奉可以係花果，過節可以放肉類製品，但兩個武財神唔可以放係一齊供奉，亦唔可以同佛祖、觀音一齊供奉，因為佛係食齋。財神更加唔可以同祖先牌位一齊供奉。因為財神係神，祖先再尊貴亦都係凡人，係唔能夠同財神平起平坐。另外，財神頭上同座下唔可以有雜物，要保持供奉位置乾淨整潔。
一定要正規開光
呢點非常重要，好多朋友唔知，買咗吉祥物玉、水晶等之類，仲有佛像，都唔知要開光，就直接參拜。其實，未經過開光嘅吉祥物、佛像同普通擺設物一樣無分別。
財神唔能夠對正鏡，對著或隔離係廁所
鏡有反射作用，對著財神會將財氣反射。對著或隔離係廁所更加係對對財神嘅不敬。
其他類財神
類財神嚴格來講并唔係財神，不過有招財用處。類財神一般有發財豬、招財貓等，擺咗會有一定嘅好處。但需要注意嘅係，除咗要開光之外，仲有幾個生肖唔適宜擺。屬猴、豬、蛇唔可以擺發財豬。屬猴、蛇唔可以擺招財貓。因為豬同猴相害，同蛇相沖，同豬自刑，所以大家要留意啦。
(以上圖片均來自網路，如有任何版權問題，請與本站聯絡)
