裝修風水學：廁所風水話你知
2016年09月28日
8
182485
隨著社會進步，生活水平嘅提高，現時嘅裝修已經唔同以前，除咗整體嘅美觀，仲要兼顧實用性、功能性同風水。由於廁所係屋企聚集穢氣嘅地方，有好大嘅煞氣同陰氣，稍有不慎就會觸犯風水禁忌，從而影響戶主健康。廁所風水往往容易俾人忽略，究竟廁所有啲咩風水事項需要注意呢？裝修佬話你知。
廁所位置宜隱蔽
因為廁所被認為係較為不潔及隱私嘅地方，所以不宜太矚目。廁所門不宜對正大門，兩者成一直線，咁樣非但有礙觀瞻，而且有違風水之道，風水學認為咁樣會導致疾病叢生，尤其係患惡性腫瘤。即使廁所並唔係正對大門，但亦不宜位於矚目之處。
廁所裝飾品擺放
鏡同馬桶唔可以對正。馬桶作為排泄穢物之地，不必去照鏡，只要係馬桶度見唔到鏡，照鏡嘅時候見唔到馬桶就係合乎風水原則。馬桶同鏡都唔好對正廁所門。廁所要有窗，而且窗必須常開，將其間嘅穢氣、濕氣排出窗外，令空氣保持乾燥，清新。
簡潔唔雜亂
雜亂係廁所風水大忌，因為會令氣滯礙難行。最理想嘅廁所裝修就係擺設簡潔，設計簡單，通風良好嘅浴室。地板必須選擇防水性佳，而且容易清洗嘅材質。一般而言，以硬質木、大理石、磁磚材質為佳，軟質嘅毛毯較為不適。氣及能量嘅流動會受到使用材質影響，唔同地板材質產生唔同效果。例如大理石，花崗石，以及其他硬地、光滑表面會加速氣能流動。
宜擺放綠色植物盆栽
綠色植物吸收陰氣同穢氣，位於朝東南嘅廁所，會沖走屋企旺氣，敗壞財運。盆栽有助改善呢個情況，而且係廁所比較常用水嘅地方，比如水龍頭隔離擺一盆綠色植物盆栽，因為風水學中木能夠吸水，所以可以平衡廁所風水。而且，綠色盆栽植物可以美化廁所環境，帶來更多生命氣息，有助於戶主活力無限，身心健康。
廁所顏色宜選白色、黑色、藍色
廁所五行屬水，所以顏色最好選擇屬金嘅白色同屬水嘅黑色、藍色，既高雅又可以有安寧靜謐嘅感覺。淡綠色、淡黃色、淡藍色、米白色等俾人以清爽、自在感覺，比較適合廁所使用。應該避免使用大紅色等耀眼色彩，會令如廁者產生煩躁心理。
廁所位置忌係屋企中間
理想廁所位置應該係屋企嘅邊區，最忌諱係屋企中間。馬桶位置離大門越遠越好，以避免氣一入門就被沖走。對於為主不佳嘅馬桶，最簡單嘅改善方法就係一定要隨時蓋住馬桶蓋，或可利用任何屏風或門簾，將佢同房間或大廳嘅其他為主區隔，而且記得廁所門要保持關閉狀態。
廁所朝向
廁所重在來水同去水，水氣甚重，倘若開係西南或東北兩個氣當旺嘅方位，會有土克水問題發生，因此不利，會令屋企人健康會受損。沖涼位置最好唔好揀係朝南房屋，因為朝南火氣重，同水氣重嘅廁所形成水火不容，故唔吉利。
廁所應保持清潔同空氣流通
廁所係出穢嘅地方，應該十分注意清潔衛生，並保證空氣流通，否則容易滋生病菌，影響健康。
(以上圖片均來自網路，如有任何版權問題，請與本站聯絡)
