裝修佬話你知：衣櫃防霉技巧
2016年09月29日
11
345850
香港近海，長年處於潮濕狀態，特別係梅雨季節，更係苦不堪言。相信在座嘅朋友都有遇過衣櫃發霉嘅問題，牽連衣物都會有霉菌滋生，特別係皮製品，確實令人頭疼。其實，發霉問題都有方法可以解決，究竟係點？裝修佬話你知。
防霉配方油漆
呢個需要係家居裝修時就揀好，選用含有防霉配方油漆來油屋企牆面。防霉油漆可以有效防止霉菌萌芽及對抗害菌滋生，令污垢唔易附著，耐擦洗，比較適用於廁所同廚房、牆面易潮濕等地方，降低家居環境潮濕，限制霉菌滋生。
保持通風透氣
呢樣非常重要，櫃發霉嘅一個原因係受潮卻唔能夠通風乾燥，所以平時我地要留意打開櫃同室內門窗等，保持居室通風透氣，令室內保持乾燥清爽，同時櫃亦唔會容易受潮發霉，不過要留意天氣情況，如果係落雨潮濕天氣就盡可能唔好打開，相反要關閉門窗，拒絕外面空氣嘅濕氣進入屋企，預防櫃同櫃直接嘅物品受潮發霉。
擺放除濕防霉用品
擺放盒裝除濕劑係防霉好辦法，畢竟衣櫃發霉係由於受潮引起，係衣櫃度擺放除濕劑可以吸取櫃入面空氣中嘅水分，保持衣櫃乾燥環境，輕鬆達到防潮防霉效果。另外鐘意飲茶嘅朋友可以將乾茶包掛係衣櫃度，唔單止可以去除霉味，仲可以令衣物散發陣陣清香。煮咖啡剩低嘅咖啡渣亦兼具吸濕除臭雙重效果，將咖啡渣曬乾後放係乾淨紗布袋或舊襪度綁緊，就變成除濕包。另外仲有竹炭包用來防潮防霉擺係衣櫃度，臭丸亦多人選擇，但臭丸陣味等對小朋友、胎兒健康唔好，唔建議使用。
衣物要曬乾先擺入衣櫃
相信好多人都試過過衣櫃發霉，霉菌走到衣物上，整污糟件衫，甚至唔著得。其實主要係由於衣櫃受潮先會發霉，所以我地第一時間要解決嘅就係衣物一定要曬乾先擺入衣櫃，咁樣一定程度上就可以保持衣櫃乾燥程度，降低發霉幾率。
點蠟燭
點蠟燭可以降低空氣中嘅濕度、清除異味，呢個方法唔係太多人知。如果屋企嘅空氣比較濕，可以點兩支蠟燭，最好選擇選有香精嘅香薰蠟燭，唔單止可以去除室內空氣嘅潮濕，仲可以清除異味，令室內散發香氣，對衣櫃同衣物防止受潮發霉效果顯著，但一定要注意小心防火，以免發生火災！
衣櫃遠離潮濕區域
衣櫃發霉另一個原因往往就係因為櫃背面嘅牆面潮濕，牆嘅另一邊係廚房、衛生間等較潮濕地方，呢個情況下衣櫃係會經常發霉，尤其係家居防水無做好。最好將衣櫃重新換一個位置擺放，平時亦要係衣櫃度擺D除濕物品如除濕劑，預防衣櫃受潮。
鋪墊報紙
報紙係除濕佳品，尤其用係衣櫃防霉防潮上，係衣櫃底部鋪報紙，甚至係衣櫃門內側貼報紙又得。報紙可以吸濕防霉，油墨味仲可以驅蟲，報紙係衣櫃防潮防霉作用上非同小可。
裝修佬溫馨提示
衣櫃發霉係我地經常遇到而且好頭疼嘅事，需要我地平時做好預防工作，而唔好等衣櫃發霉先來處理。另外裝修佬提醒大家，如果衣櫃已經發霉，係清理嘅時候盡可能唔用水，以免衣櫃進一步受潮繼續發霉，建議用紙巾或乾布把霉菌抹走，經常開窗通風，保持衣櫃乾爽，散除霉味，同時果D發霉嘅衣物一定要洗乾淨徹底乾燥後先擺返入衣櫃度。
(以上圖片均來自網路，如有任何版權問題，請與本站聯絡)
