裝修風水學：開門唔可見嘅物品(一)
2016年10月06日
12
162410
返到屋企第一眼會見到係咩？裝飾擺件？掛畫？鏡？花草植物？(小編一返到屋企第一眼9成都係見到1隻勁可愛嘅小狗)相信好多朋友都鐘意佈置屋企，會花好多心思係擺設方面，將屋企佈置得靚一靚會有滿足感同愉快嘅心情。但你又知唔知係風水學上來講，入門唔可以見到乜？又有D咩需要注意呢？以下裝修佬同大家分享開門唔可以見到嘅物品PART 1。
開門見露台不利存錢
現時樓盤建築，很多房屋結構都存在開門見露台，或閘同陽臺相通嘅情況，通常對財運有D影響，比如財運好，但用錢嘅地方亦多，意思就係財來財去，儲唔到錢。
裝修佬提示
適當係露台種D植物，或客廳沙發作七字形或L形擺設，呢個問題自然解決，另外可以係露台正對門位置加擺泰山石便可。
開門見洗衣機可導致財政出現赤字
開門見洗衣機嘅情況，生活中唔算太多。但一旦遇到，絕對唔可以輕視，因為咁嘅佈置會令你嘅財運如水般流走，唔單止儲唔到錢，往往仲會使未來錢，甚至欠債。而且屋企經常有人會出差，或工作上經常要OT等。
裝修佬提示
好多時或者係因為室內空間位置有限，如果呢個情況最好係洗衣機前面搵野遮下，比如一個櫃、植物等，都可以化解呢個情況。
開門見空花樽會影響夫妻感情
從風水學來講，開門見花瓶相當唔好。但係偏偏又是好多家居擺設中最容易犯錯誤嘅地方，以為係開門正對嘅地方擺花樽，會顯得更高雅脫俗。事實上，由家居風水學來講，會影響夫妻感情及桃花運。比如婚姻中容易有第三者，比如未婚男或女感情會遲遲無著落。
裝修佬提示
花樽唔好空著，可以插D真花或植物。另外方法，就係移到開門見唔到嘅地方或角落，咁就自然無影響了。開門宜見喜，可以擺放代表福祿大葫蘆。
開門見牆上掛有劍或刀具
關於呢點，大多數人都知道會唔好。因為劍同刀具都屬於煞氣重嘅擺設，普通家庭唔適合擺放，除非屋企有人從事政法、軍人、警察、消防等工作先適合。除此之外，開門見到呢D擺設係風水學上來講非常唔好，會容易引起口舌、爭執、糾纏、是非，甚至官非、頭痛等現象，嚴重嘅仲會引起因身體問題有手術嘅問題。
裝修佬提示
最好唔擺或掛係書房上。如果實在鐘意掛，最好係劍或刀具上面綁一條紅布，就可以制服化解，如果門口對樓梯、走廊、電梯等煞氣，宜改用銅麒麟類化煞擺設加以化解。
(以上圖片均來自網路，如有任何版權問題，請與本站聯絡)
