裝修佬話你知:廁所清潔方法

2016年10月06日
17
334239
廁所係屋企使用最頻繁嘅地方,由於長期處於潮濕狀態,容易滋生細菌、霉斑,簡直係每逢清潔倍頭疼。家庭衛生嘅背後,你有無認真攪過衛生?又或者你識唔識攪衛生呢?以下裝修佬同大家分享廁所嘅清潔方法,希望幫到你。

裝修佬話你知:廁所清潔方法
  
瓷磚   

由於廁所濕氣重,瓷磚間空隙會容易滋生菌斑。最快速有效嘅解決方式,就係上面噴廁所專業嘅去霉清潔劑或漂泊水,唔需要點費力刷洗,就可以達到去霉、除垢同殺菌效果。   

浴簾同防滑墊   

浴簾同防滑墊用過一段時間後,難免會有滋生菌斑情況,可使用廁所去霉清潔劑抹,就可以輕鬆去除菌斑。 

浴缸同洗手盆   

由於呢兩個地方容易殘留水垢,可以係上面噴浴室清潔劑,再用抹布擦洗一次,就能恢復原有光潔度。無論係邊種材質嘅浴缸或洗手盆,最好唔用菜瓜布或硬質刷或去污粉刷洗,以免傷害表面材質。 

花灑及水龍頭   

花灑同水龍頭容易被水中嘅石灰垢塞住,清潔嘅時候最好將花灑頭除低,用舊牙刷刷噴水頭,再用粗針將頭入面嘅阻塞物清除,先可以令淋水正常。水龍頭硬水沉積物處理,可以用檸檬切面抹面就可以消除。   

馬桶   

如果平日無認真清洗,就容易形成黃斑污漬,容易滋生霉菌同細菌。清洗嘅正確步驟,應先把坐墊掀起,再用潔廁劑噴淋內部,等幾分鐘後,再用廁所刷徹底刷洗一次,再刷洗馬桶座同其他空隙,由於馬桶內緣出水口係容易藏污納垢嘅地方,一般噴槍式嘅馬桶潔廁劑係無法順利將清潔劑噴係果度,所以最好用獨特鴨嘴頭設計嘅潔廁劑,先可深入馬桶內緣、清除頑垢。   

裝修佬話你知:廁所清潔方法

另外,一般人容易忽略馬桶外側底座,應用清潔劑噴淋刷洗一次,再用水洗乾淨,然後用乾淨抹布成個抹乾便可。最後,再丟粒潔廁劑放入馬桶水箱中,做好平日清潔、殺菌同除垢工作。裝修佬提提你,切勿將唔同成分嘅酸性、中性或鹼性清潔劑混合使用,以免因化學變化而發生危險。   

清潔廁所塊鏡 

可以借助神器剃鬚膏,用紙巾將剃鬚膏擦係鏡度,跟住用濕紙巾將泡泡抹勻到成塊鏡,最後用水沖洗乾淨。之後你會發現鏡明亮一新,乾淨清楚長達成個禮拜。呢個方法同樣適用於淋浴房。

(以上圖片均來自網路,如有任何版權問題,請與本站聯絡)

裝修佬話你知:廁所清潔方法
康少
342篇