【2020 家居清潔攻略】4 個清洗洗衣機方法

2016年10月08日
9
325969

洗衣機可謂係每個家庭主婦嘅恩物(可惜村姑扑衫從此失傳左),方便快捷,慳咗唔少時間精力。但洗衣機長時間使用唔清潔就會發現D衫洗得唔乾淨,大量嘅細菌雜質堆積係入面,引起皮膚痕癢問題。為咗殺滅隱藏係洗衣機夾層內嘅細菌,就必須清潔洗衣機。究竟要點清潔洗衣機呢?今日等裝修佬話你知。


裝修佬話你知:清洗洗衣機方法

洗衣機污垢主要係由五類垃圾組成

  1. 自來水嘅鈣離子同碳酸鈣組成嘅水垢
  2. 洗衣粉、洗衣液嘅游離物
  3. 衣物纖維
  4. 人體有機物質
  5. 衣物帶入嘅灰塵、細菌以及其它物質
呢D雜物會堅固咁附係洗衣機夾層內,係常溫中繁殖、發酵,洗衫時會污染衣物帶俾人體。有人皮膚痕癢過敏,多數係洗衣機嘅問題。

裝修佬話你知:清洗洗衣機方法

洗衣機清洗方法

 

  1. 洗衣機專用清洗劑

 

係市面上容易買到洗衣機專用清洗劑,價錢唔貴但清潔效果唔錯,而且呢種專門嘅清洗劑,對洗衣機嘅傷害比較細。

 

缺點:係清洗過程中,無論係直立式,還是滾筒式嘅洗衣機都需要浸一段時間,然後要用滿水位清潔幾次,有D浪費水,而且呢個清洗方法大概要兩個月就洗一次,比較麻煩。 

 

  1. 醋+梳打粉

 

先用乾衣模式將醋均勻灑係洗衣機內裡,醋可以起軟化作用,將污垢軟化,然後用梳打粉清洗、浸去除污漬。梳打粉呈弱鹼性,唔會腐蝕機體。而且醋同梳打粉方便購買使用,唔需要擔心殘留危害皮膚健康。

 

缺點:畢竟唔係專業去污產品,浸加清洗一般需要三個鐘以上,時間比較長,而且可能需要兩次先可以徹底清洗乾淨。另外醋嘅味道比較大,可能會殘留異味。

 

  1. 消毒水 

消毒水也有較好嘅去污能力同殺菌效果,可以用於洗衣機清潔,清潔方法同樣係浸泡清洗,但如果係大型嘅滾筒式洗衣機,最好將入面嘅內筒,外面嘅零件都拆開清洗乾淨,所以會非常麻煩。

 

缺點:消毒液腐蝕性強,要注意兌水比例,而且浸泡時間唔可以太長,大概半個鐘就得啦,不過時間比較短去污效果會無咁好。

 

  1. 自帶清潔功能洗衣機

雖然清潔洗衣機嘅辦法有很多,但總體都係浪費時間、浪費水電,係非常麻煩嘅辦法,而且清洗效果同殺菌效果唔係太理想。其實最簡單嘅方法就係買有自清潔功能嘅洗衣機。現時市面上有唔少呢個功能嘅洗衣機,如果要換洗衣機嘅朋友不妨考慮下。

 

優劣比較

 

洗衣機專用清洗劑

醋+梳打粉

消毒水

優點

  1. 容易買到

  2. 價錢唔貴

  3. 清潔效果唔錯

  4. 對洗衣機嘅傷害比較細
  1. 梳打粉呈弱鹼性,唔會腐蝕機體

  2. 醋同梳打粉方便購買使用

  3. 唔需要擔心殘留危害皮膚健康
  1. 有較好嘅去污能力同殺菌效果

缺點

  1. 需要喺洗衣機浸一段時間

  2. 有D浪費水,要用滿水位清潔幾次

  3. 比較麻煩,大概要兩個月就洗一次
  1. 時間較長,浸加清洗一般需要三個鐘以上,而且可能需要兩次先可以徹底清洗乾淨。

  2. 醋嘅味道比較大,可能會殘留異味。
  1. 腐蝕性強,要注意兌水比例

  2. 去污效果無咁好

  3. 如果係大型嘅滾筒式洗衣機,最好將入面嘅內筒,外面嘅零件都拆開清洗乾淨,所以會非常麻煩。

 

裝修佬溫馨提示

 

家用洗衣機一般每2~3個月進行一次清潔消毒,可以用一般消毒劑,普通消毒清潔劑、漂白水或除垢液例如滴露、威露士等。 平時最好將衣物、床單分開洗,底衫同襪儘量用手洗,亦可用50℃左右嘅熱水清洗。

 

洗衣機唔好放係潮濕地方,廁所唔適宜擺放洗衣機。 洗完衫後應該即刻擰出去曬,否則會滋生細菌。

 

洗衣機嘅排水口一定要高於排水道,唔可以將水殘留係排水喉內。 洗完衫打開洗衣機蓋等佢自然風乾,既可以防止洗衣機老化,又防止滋生霉菌。

 

想了解有關洗衣機嘅資訊,請瀏覽裝修佬專欄

裝修妹話你知 - 點樣清潔洗衣機?

 

(以上圖片均來自網路,如有任何版權問題,請與本站聯絡)

 

【2020 家居清潔攻略】4 個清洗洗衣機方法
裝修華
269篇