裝修佬話你知：實木傢俱打蠟方法及保養技巧
2016年10月12日
5
373873
實木傢俱天然環保、結實耐用、保值等好處，深受廣大市民歡迎，非常適合追求自然嘅裝修風格。針無兩頭利，想經久耐用就必須要同實木傢俱做保養，打蠟係其中一個方法。以下裝修佬同大家分享實木傢俱嘅打蠟方法同保養技巧，希望幫到你。
實木傢俱打蠟方法
材料準備，專用傢俱蠟，蠟嘅質量好關鍵。選購嘅時候建議唔好揀含有矽樹脂嘅上光劑，因為矽樹脂唔單止會軟化實木傢俱表層，而且仲會堵塞木材毛孔。
係同實木傢俱上蠟之前，應用較溫和嘅非鹼性番鹼水將傢俱上嘅舊蠟抹除，同時注意擦乾實木傢俱表面嘅水分。另外要完全清除傢俱表面灰塵後進行，否則會形成蠟斑，或造成磨損產生刮痕。
將傢俱蠟塗洗乾淨布上，份量唔好太多。一來唔會浪費，二來可以令蠟更均勻咁塗抹到傢俱上。
將塗有蠟嘅棉布順住木材紋理方向同傢俱上蠟，咁做實木傢俱造成嘅傷害係最細，延長使用壽命。上蠟時，要由淺入深、由點及面原則，循序漸進，均勻上蠟。
上蠟過程中要避免過度摩擦，過度摩擦會損害傢俱表層，實木傢俱難以修復嘅傷害。
木傢俱保養技巧
打蠟保養
想實木傢俱光澤持久，打蠟係非常必要，一般來講，一個季度打蠟一次，用專用實木傢俱上光蠟進行定期保養即可。要切忌使用矽樹脂嘅上光劑，佢會破壞傢俱塗層，堵塞木材毛孔，妨害木質透氣性。
避免刮痕
傢俱中若出現刮痕嘅話唔單止影響傢俱美觀，仲會影響傢俱使用壽命。所以係使用過程中應該儘量避免硬物或是金屬製品與傢俱直接接觸造成損害。
刮痕保養
如果唔小心出現刮痕，可以選擇同傢俱木材顏色相近嘅蠟條塗抹刮痕處，將裂痕填平。之後再上一次蠟，保持光澤度。
除塵保養
準備一塊柔軟乾毛巾，切忌濕布，輕輕抹傢俱表面，順著木材紋理抹去灰塵。成個過程中都唔需要任何清潔劑，以免刺激傢俱表面。
清潔保養
日常保養可以採用專業木質家居清潔劑，可以幫助去除傢俱上所沾染空氣中嘅污染物、油煙、多餘蠟等。
(以上圖片均來自網路，如有任何版權問題，請與本站聯絡)
